Norðurljósið - 01.01.1984, Blaðsíða 64

64
NORÐURI.JÓSIÐ
Hann kom til að deyja fyrir glataðan heim; ekki fyrir góða
menn eða göfugan málstað, heldur fyrir syndara. Jafnvel í
helstríði sínu hrópaði hann til Guðs mönnum til hjálpar:
„Faðir, fyrirgef þeim því að þeir vita ekki, hvað þeir gjöra.“
(Lúk. 23. 34).
Hann veitti fyrirheit, sem enginn annar gat gefið.
Ég er kominn til þess að þeir hafi líf og hafi nægtir.“ (Jóh. 10.
10). Þetta er ekki von, sem hægt er að öðlast í framtíðinni,
vinni menn til hennar, heldur nærtæk eign, sem þegin er að
gjöf. „Mínir sauðir heyra raust mína, og ég þekki þá, og þeir
fylgja mér, og ég gef þeim eilíft líf, og þeir skulu aldrei að
eilífu glatast.“ (Jóh. 10. 27-28).
Hann sigraði dauðann.
„Fyrir því elskar faðirinn mig, að ég legg líf mitt í sölurnar, til
þess að taka það aftur. Enginn tekur það frá mér, heldur legg
ég það sjálfviljuglega í sölurnar. Ég hefi vald til að leggja það
í sölurnar, og ég hefi vald til að taka það aftur.“ (Jóh. 10.
17-18). „Og nú hefi ég sagt yður það, áður en það kemur
fram, til þess að þér trúið, þegar það er komið fram.“ (Jóh.
14. 29). Hann dó fyrir syndir okkar, en hann reis upp aftur.
Dauðinn hafði ekkert vald yfir hinum syndlausa. „Hann
settist, er hann hafði hreinsun gjört syndanna, til hægri
handar hátignarinnar á hæðurn." (Hebr. 1. 3).
í dag er Jesús Kristur ekki dauður spámaður. Hann er
lifandi frelsari. Hann kallar enn á karla og konur í gegnum
orð sitt. „Jesús stóð þar og kallaði og sagði: Ef nokkurn
þyrstir, þá komi hann til mín og drekki. Sá sem trúir á mig, úr
hans kviði munu, eins og ritningin hefir sagt, renna lækir
lifandi vatns.“ (Jóh. 7. 37-38).
Vilt þú svara kalli hans? Orð hans veitir þér þetta loforð:
„Ef þú játar með munni þínum Jesúm sem Drottin og trúir í
hjarta þínu, að Guð hafi uppvakið hann frá dauðum, muntu
hólpinn verða.“ (Róm. 10. 9). Ákallaðu hann og biddu um
syndafyrirgefningu og gjöf eilífs lífs; „Því að hver, sem
ákallar nafnið Drottins, mun hólpinn verða.“ (Róm. 10. 13).
(Úr smáriti).