Norðurljósið - 01.01.1984, Blaðsíða 115

NORÐURIJÓSIÐ
115
stríð. Borgarastyrjöld varð þá í landi Gyðinga. Rómverjar
voru beðnir um úrskurð. Settu þeir Hyrkanus sem ríkisstjóra.
Rómverska tímabilið
Nú verður farið fljótt yfir sögu, smáatriðin ekki rakin. Einn
af þeim, sem komust til valda, var Heródes. Hann kvæntist
konu af Makkabea ætt, en hann vildi tryggja sig í sessi með
því, að útrýma Makkabeaætt. Þar á meðal konu sinni og
sonum. Þetta skóp andúð og andspyrnu hjá Gyðingum. Til
að friða þá, hóf hann að reisa nýtt musteri. Hitt hafði staðið í
500 ár. Naut hann aðstoðar 1000 presta, sem allir voru dug-
legir húsameistarar. Eftir 10 ár var það nothæft. Síðan liðu
mörg ár, uns lokið var smíðinni.
En hann var alltaf hræddur um hásæti sitt. Má því giska á,
hvað hann hefir hugsað, er hann frétti, að nýfæddur væri
konungur Gyðinga. Lét hann því myrða öll sveinbörn í
Betlehem, til að ná lífi hans, tvævetur og þaðan af yngri, eftir
þeirri tímalengd, sem hann hafði komist að hjá vitringunum.
Þetta gefur oss, í stórum dráttum, gang málanna í heim-
inum frá Malakí til Matteusar. Á þessum tíma liðu tvö
heimsveldi undir lok. Keisaraveldi Alexanders reis og hneig.
Sömuleiðis rómverska lýðveldið. En keisaraveldi Rómverja
kom í staðinn. Gyðingar dreifðu sér út á milli þjóðanna.
Trúmálaflokkarnir, Farísear og Sadúkear, komu fram.
Gyðingar liðu hræðilegar þjáningar og það í landi sínu. Að
lokum komust þeir undir veldi Rómar, heimsveldisins
fjórða.
Á dögum fyrsta virkilega keisarans, Ágústusar, meðan öll
jörðin naut friðar og farsældar hvarvetna, á allar hliðar, þá
var uppfyllt fyrirheitið, sem gefið var í Edengarði um sæði
konunnar, sem merja skyldi höfuð höggormsins. Jesús
Kristur fæddist, hinn eftirþráði Messías, frelsari heimsins.
í fjögur hundruð ár vakir Drottinn yfir spámannlega orð-
inu, flytur mikla stjórnendur til, eins og taflmenn á borði.
. .. . Á þessum tímum talaði Drottinn til alls heimsins í þeim
heilögu ritningum, sem voru til, og sá um, að þær yrðu
þýddar á heimsmálið, grískuna.