Vísir - 14.12.1960, Side 2

AMNAÐAMOSKIM
KVEÐJA FRÁ
ÓLAFI THORS, forsætisráðherra,
formanni Sjálfstæðisflokksins.
KVEÐJA FRÁ
GUNNARI THORODDSEN, fjármálaráðherra,
formanni útgáfustjórnar Vísis.

T

í dag er hálf öld umliðin frá því Vísir, elzta dagblað
landsins, þeirra, sem nú eru við lýði, hóf göngu sína.
Fyrri tilraunir til stofnunar dagblaðs á Islandi höfðu allar
farið út um þúfur. Myndu því í öndverðu ekki margir
hafa treyst því, að svo vel tækist til, að blaðið lifði hálfrar
aldar afmæli sitt, gæti þá litið yfir óslitinn, farsælan dag-
blaðsferil sinn og horft fram á bjarta og örugga framtíð.
Tengsl Vísis við stjórn Sjálfstæðisflokksins hafa aldrei
verið sérlega sterk, en stefnu flokksins í höfuðefnum
hefur Vísir alltaf axlað, og barizt því harðar fyrir henni
sem að henni hefur fastar verið ráðizt. Hefur Vísir þá
stundum færst í aukana og farið hamförum. Er Vísir
lifandi sönnun þess, að víðsýn og þjóðleg stefna getur
alltaf treyst atbeina frjálslynds, óháðs blaðs, sem þjónar
hugsjóninni og engu öðru, lýtur lögmálinu en aldrei
valdboði.
Á þessum tímamótum þakkar miðstjórn Sjálfstæðis-
flokksins þeim, er stýrt hafa för Vísis, ritstjórninni, blaða-
mönnum og stjórn blaðsins ágætan stuðning og væntir
að njóta stuðnings þess um alla framtíð.
ólafur Thors.
Þegar „vísir að dagblaði“ lét úr vör fyrir fimmtíu
árum, munu fáir hafa spáð honum langri sjóferð. Eftir
fyrri reynslu um fleytur þær, sem kölluðust dagblöð,
mátti búast við því, að Vísir þessi mundi innan stundar
sökkva í djúpan sæ.
En Vísir hlaut betri byr en veðurspárnar hermdu. Sigl-
ingin hefur stormasöm verið á stundum, byim og boðar
ógnað til beggja handa. En áfram var haldið, frjálslyndi
og víðsýni héldu sterklega um stjórnvölinn.
En mikil er tæknin og mörg eru verkin, sem fram-
undan stafni blasa. Fegurri svipur og fjölbreytni bíða á
næstu báru.
Hógværð og lítillæti fólst í hinu fyrsta nafni, sem blað-
inu var gefið. Megi Vísir um langa framtíð hafa um-
b.urðarlyndi um annarra skoðanir og frjálslynda fram-
farastefnu að ljósvita sínum og leiðarstjörnu.
Gunnar Thoroddsen.
2
VÍSIR 50 ÁRA
Afmælisblað VÍSIS