Tímarit íslenzkra samvinnufélaga - 01.10.1923, Síða 35

Tímarit íslenskra samvinnufélaga. 81
Harðarhólmi, ekki stór, en iðgrænn til að sjá. þaðan synti
Helga jarlsdóttir með sonu sína tvo til lands, og lenti í
Helguvík. Vel þætti það gert nú, og mundi ekki konum ein-
um ofraun verða.
Við Hvalfjörð lifði og dó Hallgrímur sálmaskáld Pét-
ursson.
Um fjöru má stytta sér leið og „fara á fjörum“, sem
kallað er, en þegar við komum þar, var um flóð, svo að
við urðum að fara alla leið inn í fjarðarbotn; er það langur
vegur og ógreiður, þröng gata og víða stórgrýtisurð í
kring. Fyrir botni fjarðarins er Botnsdalur. Undirlendi er
ekkert innan til með firðinum, en fjöllin snarbrött niður
að sjó. þar eru engir bæir. Utar með firðinum er dálítið
undirlendi og bygð allþétt. Fremsti bærinn með firðinum
að vestan er þyrill; ber hann nafn af fjalli því eða nýpu,
sem hann stendur undir; er það einkennilegt fjall, snar-
bratt, með grasgeirum og skriðum neðan til, en efst stand-
berg, og er líkast því, sem það muni steypast fram yfir
sig þegar minst varir. En þyrill hefir staðið af sér marg-
ar atlögur Kára og mun gera það framvegis.
Ut Hvalfjarðarströndina er góður vegur; hann liggur
neðan við túnin á nokkrum bæjum. Bæirnir eru fremur
snotrir til að sjá, en eftir landslagi að dæma munu slægjur
seinunnar.
þegar vegurinn beygist frá firðinum, er farið hjá Fer-
stiklu, sem allir kannast við. það er lítið býli, og ekki bú-
sældarlegt, en því meiri andans gróður hefir þrifist þar,
sem ekki mun gleymast meðan Island byggist.
Leiðin liggur þvert yfir hálsinn. Til vinstri handar er
Vatnaskógur; hann er afgirtur með gaddavír, og er nú ár-
lega verið að grisja hann og laga. Fyrir norðan Ferstiklu-
liáls er Svínadalurinn. þar eru nokkrir bæir, og bera þeir
það með sér, að þar búa framkvæmdamenn. Byggingar eru
miklar og járni varðar. Úr Svínadalnum er enn yfir háls
að fara, Dragann, norður í Skorradalinn. þar er stöðu-
vatn nokkuð stórt; í því er silungsveiði, en skógur í hlíðum.
G