Tímarit íslenzkra samvinnufélaga - 01.10.1923, Blaðsíða 54
100
Tímarit íslenskra samvinnufélaga.
Einhver óreiða hafði verið með að útvega okkur gisti-
staði þarna, og var okkur skipað niður 1 og 2 á bæ, en sum-
ir fóru aftur fram að Tjörn. J>ar býr þórarinn Kristjáns-
son, prests Eldjárns, ungur bóndi. Á Tjörn og víðar í daln-
um eru flæðiengjar. Stærst bú í Svarfaðardal var okkur
sagt að væri á Böggversstöðum. J>ar er 200 sauðfjár, 6 kýr
og 7 hross.
J>ann 27. júlí kom Einar Reynis gróðrarstöðvarstjóri
írá Akureyri á vélbát, til þess að ferja okkur yfir Eyja-
f jörðinn og vera fylgdannaður okkar. En menn voru fengn-
ir til að reka hestana til Akureyrar. Fyrst var haldið þvert
yfir Eyjafjörðinn, sunnan við Hrísey, að Höfða í Höfða-
hverfi. J>ar búa 2 bræður, þórður og Baldvin Gunnarssyn-
ir. J>egar við stigum á land, tóku þeir bræðpr, ásamt son-
um sínum, á móti okkur, til þess að bjóða ökkur heim.
Bræður þessir gera alt í senn, reka stórbú, sjávarútveg og
verslun. Höfðingsbragur var á öllu á þessum bæ, mönnun-
um sjálfum, jörð og byggingum. Ekki spillir heldur útsýn-
ið yfir Eyjafjörðinn og fram Höfðaströndina eða Höfða-
hverfið. J>aðan blasa við gömlu merkisbæirnir Nes og Lauf-
ás, með mörgu gömlu þiljunum á stafni, en því miður gát-
um við ekki komið á þessa bæi. Á Höfða var verið að
rýja ærnar og færa frá; þótti því bera vel í veiði að líta á
sauðféð.
Sá siður helst enn víða í þingeyjarsýslu að færa frá og
hafa sauði, og svo var hér. Ekki fanst okkur féð bera af
því sunnlenska í hinum betri fjársveitum, og kynfestu
virtist vanta í hópinn, eins og víðar.
Eftir nokkra viðstöðu var ferðinni haldið áfram inn
fjörðinn, og fór þórður bóndi með okkur. Við komum að
Svalbarðseyri; þar býr Björn Líndal lögfræðingur. Sig.
Sigurðsson forseti var þar fyrir, og fór svo með okkur til
Akureyrar. Á Svalbarði er jarðrækt rekin í stórum stíl.
Fanst þeim, sem höfðu séð jarðrækt í góðu lagi í Noregi,
hér farið líkast að, og var okkur það óblandin ánægja, að
sjá, hversu alt fór vel úr hendi og virtist bera góðan árang-
ur. Bjöm hefir búið aðeins fá ár á Svalbarði; þó hefir