Andvari - 01.01.1907, Page 111

Fiskirannsóknir 1906.
Skýrsla til stjórnarráðsins.
Eftir
Bjarna Sœmundsson.
Sumurin 1903, 1904 og 1905 var eg með liaf-
rannsóknarskipinu »Thor« á ferðum þess kringum
landið, eins og eg hefi getið um í síðustu slcýrslum
mínum. En síðastliðið sumar var eg ekki með skip-
inu. í byrjun ársins 1906 tilkynti forstöðumaður
fiskirannsóknanna, Dr. Johs. Schmidt mér að skipið
ætti ekki að koma til íslands það ár, því það ætti
eingöngu að vera við rannsóknir í höíunum heima
fyrir, í Norðursjó og kringum Brellandseyjar, og jafn-
vel lengra suður, alt suður í Biscayaflóa, en aðal-
markmið rannsóknanna það sumar var að kynna sér
sem bezt hrygningu álsins og uppvöxt hans. Árið
áður liafði Dr. Schmidt fengist meðfram við þess-
konar rannsóknir og gert merkilegar uppgötvanir í
þessu efni, eins og eg slcýrði stuttlega frá í blaðinu
»ísafold« 70. og 71. tbl. 1905. En jafnframt því að
tilkynna mér hið ofangreinda, bauð Dr. Schmidt mér
að vera með skipinu um sumarið. Ætlaði eg að
þiggja boðið og vorum við húnir að mæla okkur
mót í Aberdeen í miðjum júlí, en seint í júní fekk
eg tilkynningu um að skipið gæti alls ekki komið