Andvari - 01.01.1907, Page 124

118
Fiskirannsóknir.
mikið tjón og er hætt sem stendur. Þrátt fyrir það
hefir þó áhuginn á þesskonar útgerð farið vaxandi
síðustu árin, bæði af framantöldum ástæðum og svo
af því að seglskipa (kúttara) útgerðin hefir orðið svo
erfið síðustu árin, sökum fólkseklu. Mannskaðarnir
miklu á seglskipunum síðastliðin vetur liafa bæði
aukið fólksekluna og styrkt þá skoðun, að lífi manna
sé betur borgið á gufuskipum, en á seglskipum og
þannig orðið enn ein ástæðan til þess að herða á
mönnum með gufuskipaútgerð. Það hafa því mynd-
ast 3 ný félög í Reykjavík og grendinni til botnvörp-
unga-útgerðar. Eitt hefir látið smíða skip (»Jón for-
seta«) á Skotlandi, annað hefir keypt nýlegt skip
(»Marz«) á Englandi, hið þriðja er í undirbúningi með
skipskaup. Eitt félag hefir og myndast á ísafirði og
er að kaupa skip og svo hafa Wathnes-erfingjar á
Seyðisfirði lceypt nýtt skip. Það má með fullum
rétti segja, að vel sé byrjað, þegar tekið er tillit til
þess að flest af þessum skipum eru keypt af efna-
litlum mönnum eða mönnum sem eigi geta talist
auðmenn, og að skip af þessu tægi eru æði dýr, jafn-
vel þótt þau séu nokkuð brúkuð. Og sjálfsagt mundu
fleiri kaupa, ef efnin leyfðu, eða fé fengist.
Það hafa heyrst raddir í þá átt, að ráðlegast
væri fyrir oss að korna oss upp botnvörpungaflota,
en leggja seglskipin niður, að minsta kosti jafnharð-
an og þau gengju úr sér. Það gæti eílaust í mörgu
tilliti verið æskilegt og enda nauðsynlegt, einkum
eins og eg liefi áður minst á til þess að keppa við
útlend botnvörpuskip um að ná í auðæfi fiskimiða
vorra og svo til þess að spara fólk; það ber líka
vott um dáð og dug að byrja á því sem reynst hefir
vel hjá öðrum þjóðum og því er full ástæða til að
gleðjast yfir þessari viðleitni.
En ýmislegt er þó við þetta að atliuga, fyrst og
fremst það, að ekki er svo hlaupið að því, að losa