Árbók Háskóla Íslands - 02.02.1923, Side 40

30
YÖLUSPA
36. Á fellr austan
um eitrdala
söxum ok sverðum,
Sliðr heitir sú.
37. Stóð fyr norðan
á Niðavöllum
salr ór gulli
Sindra ættar;
en annarr stóð
á Ókólni
bjórsalr jötuns,
en sá Brimir heitir.
38. Sal sá hon standa
sólu fjarri
Náströndu á,
norðr horfa dyrr;
fellu eitrdropar
inn um ljóra,
sá er undinn salr
orma hryggjum.
39. Sá hon þar vaða
þunga strauma
menn meinsvara
ok morðvarga,
ok þannz annars glepr
eyrarúnu;
þar saug Niðhöggr
nái framgengna,
sleit vargr vera.
Yituð ér enn eða hvat.
10. Austr sat in aldna
í járnviði
ok fœddi þar
Fenris kindir;
verðr at þeim öllum
einna nökkurr
tungls tjúgari
i trolls hami.
41. Fylliz fjörvi
feigra manna,
rýðr ragna sjöt
rauðum dreyra;
svart var þá sólskin
of sumur eptir,
veðr öll válynd.
Vituð ér enn eða hvat.
42. Sat þar á haugi
ok sló hörpu
gýgjar hirðir,
glaðr Eggþér;
gól um hánum
í gaglviði
fagrrauðr hani,
sá er Fjalarr heitir.
43. Gól um ásum
Gullinkambi,
sá vekr hölða
at Herjaföðrs;
en annarr gelr
fyr jörð neðan
sótrauðr hani
at sölum Heljar.
44. Geyr nú Garmr mjök
fyr Gnipahelli,
festr mun slitna,
en freki renna;
38. sá hon] sér lion H, veit ek Sn-E, fellu] falla H, Sn-E.
39. Sá hon] Sér hon H, Skulu Sn-E, morðvarga] morðvargar Sn-E,
saug] svo H; súg K, kvelr Sn-E.
40. sat] býr H, Sn-E. fœddi] fœðir H, Sn-E,
41. svart var pá] svört verða H, Sn-E.
42. Eggþér] Egðir H. gól — gaglviði] gól yfir i galgviði H. sá er] en sá H.
43. um] yflr H. at] hjarar at b. v. K.
44. nú] vantav hér i K. Gnipahelli] Gnúpahelli H. fjölð — lengra] fram
sé ek lengra fjölð kann ek segja H,