Búnaðarrit - 01.01.1994, Side 241

pestinni þar í landi. Tölulegar upplýsingar um það eru því miður ekki til
tækar.
Stöku sinnum hefur verið kvartað yfir því að eitt og eitt lamb drepist úr
pest þrátt fyrir bólusetningu. Að sjálfsögðu kemur það fyrir þegar liaft er í
huga að bóluefnið er framleitt úr fáeinum sýklastofnum, en mismunur á
stofnum hér og þar um landið er nokkur. I öðru lagi á ein og ein kind örð-
ugt með að mynda eðlileg mótefni yfirleitt. í þriðja lagi fer bólusetning oft
fram við erfið skilyrði, þrengsli og lélega birtu. Því getur eitt og eitt lamb
orðið útundan, eða bólusetning hefur hreinlega mistekist á einstaka lambi
án þess að óvanur bólusetjari geri sér grein fyrir því. Hin síðari ár eftir að
bráðapest er orðin mjög sjaldgæf en aðrir kvillar t.d. garnapest, farin að
færast í aukana geta óvanir menn hæglega villst á þessum sjúkdómum, tal-
ið bráðapest það sem raunverulega er t.d. garnapest sem er af öðrum toga.
Eins og rakið er hér að framan, mun einna fyrst hafa borið á bráðapest á
Vesturlandi. Vegna hinna sífelldu hremminga og náttúruhamfara sem sauð-
fjárræktin varð fyrir allan síðari helming átjándu aldarinnar að kalla er þá
f átt um bráðapest ritað. En upp úr aldamótunum 1800 er pestarinnar gelið í
öllum landsfjórðungum. Ekki er ósennilegt að veikin hafi breiðst citthvað
úl með hinum stórfelldu fjárskiptum vegna fjárkláðans sem gerð voru á
árunum 1772-1779.
235