Búnaðarrit - 01.01.1994, Qupperneq 279

Lokaorð.
Islenska nautgripakynið hefur verið talið til mjólkurkúakynja, holdskarpt
og illa gert til kjötframleiðslu. Til sanns vegar má færa að niðurstöður
þessarar tilraunar styðji þá skoðun. Ég tel þó að málið sé ekki svo einfalt.
Þeir sem til þekkja vita að breytileikinn er mikill varðandi kjötsöfnunar-
eiginleika íslenska kynsins. Eftir að Nautauppeldisstöðin í Þorleifskoti tók
til starfa 1978 hefur verið fylgst með vexti og þroska nautkálfanna þar til
þeir voru fluttir á Nautastöðina á Hvanneyri eða þeim fargað. Fljótt kom í
ljós mjög mikill munur á þroska og vaxtargetu hálfbræðrahópa. í töflu 18
hér á eftir (3) er borinn saman ársþungi sona 4 nauta sem voru á stöðinni
1978-79.:
Tafla 18. Upplýsingar um ársþunga 4 hálfbræðrahópa í Þorleifskoti.
Feður Fjöldi Ársþungi Hlutfallslegur
sona kg munur
Vaskur 71007 7 342 107
Toppur 71019 12 353 111
Brúskur 72007 11 319 100
Borgþór 72015 15 319 100
Þar sést að á milli íslenskra hálfbræðrahópa getur verið allt að 11%
munur á ársþunga. En þeir eru aldir við staðlaðar aðstæður. Sérstaka athygli
vöktu synir Topps 71019 sem voru mjög þroskamiklir og eftir notkun á
Nautastöðinni voru föll flestra þeirra metin í stjömuflokk.
Athygli er vakin á þessum þætti hér þar sem fulltrúar Galloway eru allir
undan sama nautinu. Verður að telja varlegt að alhæfa að um samanburð sé
að ræða milli kynþátta. Hver hefði orðið niðurstaða ef íslensku kálfarnir
hefðu verið afkvæmi Topps ? Ekki eru til mælingar eða lýsingar á nautinu
Gretti en ljóst er að afkvæmi hans voru miklu hæfari til kjötframleiðslu en
islenski samanburðarhópurinn. Þegar litið er á vöxt gripanna á tilrauna-
skeiðinu má segja að beitartímabilin hefðu þurft að skila miklu meiri vexti
en varð. Við bestu beitarskilyrðin má ætla að dagleg þyngdaraukning geti
orðið 600-800 g en í tilrauninni var þyngdaraukning helmingi minni sumrin
tvö. Það má þó segja að enn í dag sé léleg beit og vankunnátta við
skipulagningu beitar helsti flöskuhálsinn varðandi fullnýtingu vaxtargetu
oautgripa hér á landi.
Ekki er nægilegt að flytja til landsins þrautræktaða holdanautastofna til
að auka kjötsöfnunareiginleika íslenskra nautgripa ef ekki er samhliða
stuðlað að stórbættri meðferð gripanna til að nýta þessa eiginleika.
273