Búfræðingurinn - 01.01.1942, Blaðsíða 12

10
B Ú F R Æ Ð I N G U R I N N
styrkurinn 20% lægri, en þar, sem styrkupphæðin samtals er orðin
yfir kr. 5000,00, fæst enginn styrkur. Engan styrk má veita á ábur'ð-
argeymslur, nema salerni sé til á viðkomandi bæ. Haugstæði má
ekki taka út til styrkveitingar, nema nægilega stór safnþró sé til fyrir
kúaþvag (minnst 2 m3 á kú). Veggir þeirra skulu vera minnst 1 m
á hæð. Rúnimál skal reikna alveg upp á veggbrún, en i áburðar-
húsum skal reikna hæðina jafna þykkt áburðarlagsins í hús-
inu. Allar safnþær skal telja i einum flokki, hvort sem eru ætl-
aðar fyrir kúaþvag, bæjarskólp eða annan fljótandi áburð. Þær
skulu vera lagarheldar og loftþéttar, þegar þær eru ættaðar fyrir
kúaþvag. Styrlcur lil áburðarhúsa greiðist ekki, nema þau séu mæld
lil styrks það ár, sem verkinu er lokið. Hámarksstyrkur til hvers
býlis til bygginga safngryfja og haughúsa má nema samtals kr.
1500,00.
Lög um verzluii með tilbúinn áburð og kjarnfóður nr. 28 frá
27. júní 1921.
Seljanda er skylt að afhenda tryggingarskjal með tilbúnum
áburði, þegar selt er 200 kg eða meira i einu. í því skal tekið fram
nafn seljanda og kaupanda, þyngd og verð, nafn áburðarins, og
má það ekki gefa ranga hugmynd um, hver hann sé og efnasam-
setning áburðarins. Skal tekið fram, hve mikið af köfnunarefni sé
í saltpéturssýru, ammoníaki, lífrænum samböndum og cyanamidi,
live mikið af fosfórsýrunni er leysanlegt i vatni og hve mikið
óleysanlegt i vatni og citrónsýru, hve mikið kalí er leysanlegt í
vatni, hve mikið kalk sem kolsúrt kalk og hve mikið brennisteins-
súrt kalk. Ut)pgefið efnamagn skal vera lágmarksinnihald. Kaup-
andi getur Iátið taka sýnishorn af áburðinum og látið efnagreina
það á löggiltum rannsóknarstofnunum. Reynist svo, að efnamagnið
sé minna en tilskilið er og sýnishornið hafi verið tekið eftir sett-
um reglum, skal seljandi greiða allan kostnað við rannsóknina svo
og skaðabætur til kaupanda, en ella greiðir rikissjóður rannsókn-
ina að hálfu leyti og kaupandi að hálfu.
Lög um tilbúinn áburð nr. 51 28. jan. 1935. Samkvæmt þeim
skal rikisstjórnin taka í sínar hendur einkasölu á tilbúnum áburði.
Áburðurinn skal ekki seldur öðrum en hrepps- og bæjarfélögum,
búnaðarfélögum, samvinnufélögum og kaupmönnum, og sé hann
greiddur við móttöku. Rikisstjórninni er heimilt að fela Sambandi
íslenzkra samvinnufélaga eða öðruin rekstur áburðareinkasöl-
unnar. Ríkið skal greiða flutningskostnað áburðarins frá útlönd-
um á allar hafnir innanlands, þar sem skip Eimskipafélags Islands
eiga viðkomu, ])ó ekki yfir kr. 20,00 á hvert tonn. Þetta ákvæði
gildir þó aðeins lil 1937.x)
1) Með gildistöku þessara laga voru úr gildi numin lög um einkasölu
á áburði frá 1928. Var liún stofnuð samkv. þeim lögum árið 1929.