Tímarit Máls og menningar - 01.09.1995, Síða 72
persónur eru svo í ýmsum hlutverkum eftir því hvernig þráðurinn spinnst.
önnur algengasta gerð söguþráða í athugun Gudleivs Bo segir frá glæsi-
menninu, töffaranum, sem virðist vera dæmigerður „keppinautur“ og hlýtur
að eiga íjölda vinkvenna, en reynist innst inni vera dæmigerð karlhetja,
feiminn og svolítið klaufalegur en afskaplega vænn piltur sem elskar kven-
hetjuna innilega og er þegar allt kemur til alls besti kosturinn fyrir hana.
Nikki í Bak við bláu augun þróast einmitt úr því að vera hinn dæmigerði sexí
„keppinautur“ í það að verða siðleg karlhetja sögunnar. Aðal „keppinautur-
inn“ sem Nikki þarf að sigra er meintur faðir Kamillu, virkilegt ódó, en
stúlkan sem keppir við Kamillu um tilfinningar Nikka er Lilja, kærastan
hans. Trúnaðarvinur Kamillu (sem oft reynist karlhetja í dulargervi í þessum
sögum) er bróðir hennar, en Nikka megin er vinurinn Palli. Kamilla á enga
bestu vinkonu, sem er óvenjulegt.
Dæmigerða ástarsagan leggur ekki áherslu á kynlíf, lýsingar á því lenda úti í
blómagarði hjá býflugunum. Þar brýtur Þorgrímur í bága við formúluna. Inni
í völundarhúsi tilfmninga, leyndrar fortíðar, dularfúllra bréfa og svo framvegis
úr stelpubókunum kemur orðalag sem stundum er beinlínis gróft (til dæmis er
fólk „með njálg“ bæði á síðu 5 og 6, og það er hin prúða Kamilla sem hugsar!),
og dæmigerð dagdraumasena úr karlmannabók á sér stað milli Nikka og Lilju
— (Kamilla er að sjálfsögðu algerlega ósnertanleg eins og kvenhetjur ástarsagna
eiga að vera). Við grípum niður í langa, ítarlega lýsinguna:
Hann horfði löngunaraugum á brjóstin á henni og stinnar geir-
vörturnar sem gægðust út undan skyrtunni. Hún gældi við þær en
fingur hennar leituðu síðan niður að gallabuxunum. /. . ./ Hún
hneppti gallabuxunum frá og renndi rennilásnum niður. /. . ./
Hún lét buxurnar falla á gólfið og steig upp úr þeim á lostafúllan
hátt. /. . ./ Hún lét skyrtuna sömuleiðis falla á gólfið og strauk
blíðlega upp eftir líkama sínum. Nikki dáðist að fallegum líkama
hennar og hafði litla stjórn á augunum sem voru vel vakandi.
(95-6)
Þó það nú væri! Samtal Nikka og þjónustustúlku á kaffihúsi (88) er líka
dæmigerður óskadraumur stráka.
Afþreyingarbækur?
Þorgrímur Þráinsson hóf feril sinn á að skrifa unglingabækur sem samein-
uðu tvær formúlur að strákabókum og stelpubókum og urðu feikilega
vinsælar, einkum Tár, bros og takkaskór. Árið 1992 klauf hann formúluna
aftur í frumeindir sínar og skipti henni á tvær bækur. Önnur var dæmigerð
70
TMM 1995:3