Ritið : tímarit Hugvísindastofnunar - 01.01.2014, Qupperneq 49

48
sókn fulltrúa Þjóðræknisfélagsins og Snorra-verkefnisins til Brasilíubúa
af íslenskum uppruna í Curitiba. Þar segir að hafinn sé undirbúningur
að Snorra-verkefni fyrir afkomendur Brasilíufaranna og eigi verkefnið
að hefjast á árinu 2009 auk þess sem Þjóðræknisfélagið sé að skipuleggja
ferð á Íslendingaslóðir í Brasilíu.72 Ekkert varð úr því að Snorra-verkefnið
teygði anga sína suður á bóginn né varð nokkuð úr skipulagðri heimsókn
þangað frá Íslandi enda hrundi efnahagur Íslands seinni hluta ársins 2008.
Einhverjir afkomendur Brasilíufaranna hafa þó sótt Ísland heim á eigin
vegum. Einnig er nú verið að skipleggja hópferð til landsins haustið 2014.
Jafnframt er nú unnið að því að koma á vinabæjartengingu milli
Curitiba-borgar og Akureyrarbæjar. Á vefsetri Curitiba-borgar má lesa
bókun frá borgarráðsfundi í maí 2013 þar sem samþykkt er að gerast vina-
bær Akureyrar og einnig má fræðast um aðild Félagsins Ísland Brasilía
að málinu.73 Í umfjöllun Morgunblaðsins um bæjarfélagið Hofsós frá 20.
september 2013 er greint frá Vesturfarasetrinu þar í bæ og kemur fram að
nú séu ferðirnar til Brasilíu í lok 19. aldar í brennidepli á setrinu og næsta
sumar verði opnuð sérstök sýning um Brasilíufarana.74 Að lokum má sjá
hérlenda ferðaskrifstofu auglýsa ferð á „Íslendingaslóðir í Brasilíu“ í sam-
vinnu við heimamenn.
Þannig hafa nýverið orðið til samskiptarásir milli Íslands og Brasilíu
sem ganga í báðar áttir og hafa þær mögulega vakið áhuga hérlendis á
íslenskri arfleifð í Brasilíu, en telja má að um langa hríð hafi skáldsaga
Jóhanns Magnúsar Bjarnasonar Brasilíufararnir (1905) verið sá þráður sem
hélt þekkingu Íslendinga lifandi hvað þessa landnema varðar. Áhugavert
verður að skoða hvaða áhrif aukinn áhugi Íslendinga á afkomendum
Brasilíufaranna hefur á sameiginlegt minni, íslenska sjálfsmynd og tengsl
afkomendanna við Ísland á komandi misserum. Telja má að þetta samspil
og skörun hafi þann tilgang að gera fortíðina mikilvæga í samtímanum.
72 Steinþór Guðbjartsson, „Snorra-verkefni fyrir ættingja Brasilíufaranna“, Morg-
unblaðið 11. febrúar 2008, bls. 16.
73 „Títolo de cidade-irmã será concedido a municípop islandês“, http://www.cmc.
pr.gov.br/ass_det.php?not=20562.
74 Sigurður Bogi Sævarsson, „Áhuginn endist og frændsemin lifir“, Morgunblaðið 20.
september 2013, bls. 20–21, hér bls. 21.
EyRún EyþóRsdóttiR oG KRistín LoftsdóttiR