Ritið : tímarit Hugvísindastofnunar - 01.01.2014, Qupperneq 95

94
að mestu leyti af á bænum hafi Snjólaug enn átt sínar kindur sem hún rúði
og vann ullina af. Það er greinilegt af frásögn Huldu að Snjólaug hefur
þótt gamaldags á öðrum áratug 20. aldar.
Þegar hún [Snjólaug] fór til þorpsins með hvíta koddaverið fullt af
sokkum og vettlingum var hún algjörlega ómeðvituð um þá athygli
sem hún vakti í fötum sínum frá Viktoríutímanum – sérstaklega
þegar ókunnir, t.d. farandsölumenn, voru í búðinni hjá herra
Torvaldsson. Þeir göptu og störðu af undrun á þessa sýn frá valdatíð
Viktoríu, kannski var þetta Viktoría sjálf!23
Jón Guttormsson lést árið 1895 og síðar fluttu synir hans frá Víðivöllum.
Eftir það bjó Snjólaug um hríð ein á jörðinni en var þó oft með leigj-
anda. Guttormur snéri aftur að Víðivöllum árið 1911 með eiginkonu sinni
Jensínu Daníelsdóttur. Þau bjuggu í húsinu með Snjólaugu og fjórum
dætrum sínum til ársins 1915 en þá var húsið rifið. Nýtt hús var byggt fyrir
fjölskylduna handan bæjarlækjarins en Snjólaug flutti í sitt eigið hús vestar
á landareigninni.
23 Óútgefnar endurminningar Guttormsson-fjölskyldunnar.
ÁGústA EdwALd
Mynd 5: Íslensk kona að spinna. Myndin er líklega tekin 1905 (Provincial
Archives of Manitoba, New Iceland Collection, N11492).