Ritið : tímarit Hugvísindastofnunar - 01.01.2014, Side 96

95
Nýja Eaton-húsið og innreið
nútímans (1915–1965)
Nýja húsið var byggt eftir uppdrætti
sem Guttormur fann í vörulista Eaton-
verslunarinnar. Verslunin seldi bæði teikn-
ingar og allan efnivið sem þurfti til að
byggja húsið og mátti fá þennan varning
sendan með lest á áfangastað. Guttormur
og Jensína keyptu þó einungis teikning-
arnar en efniviðinn fengu þau af landareign
sinni sem og annars staðar frá. Teikningin
var af húsi sem nefndist Spanish Bungalow
og var stórt hús á tveimur hæðum (mynd 6
og 7). Eftir að fjölskyldan flutti í nýja húsið
eignuðust hjónin tvö börn til viðbótar og
voru þau því orðin sjö (þau misstu dóttur
veturinn áður en þau fluttu í nýja húsið).
Teikningin sýnir að í húsinu voru fimm
svefnherbergi, baðherbergi, eldhús, borð-
stofa, stofa og verönd. Fataskápar voru í
hverju svefnherbergi og á ganginum á efri
hæðinni, en í auglýsingu frá Eaton kom
fram að sá skápur væri „tilvalinn fyrir
rúmföt“.24 Samkvæmt endurminning-
um Huldu, yngstu dóttur hjónanna, var skipulagi hússins breytt lítillega.
Borðstofunni var breytt í skrifstofu fyrir föður hennar og svefnherbergið á
jarðhæðinni var gert að borðstofu.
Við fornleifarannsóknina á Víðivöllum var grafinn skurður í ruslahaug
sem reyndist samkvæmt aldursgreiningu vera frá búskaparárum Guttorms
og Jensínu í nýja húsinu. Ruslahaugurinn var á bakka lækjar sem rennur úr
heimilisbrunninum og í Íslendingafljót, miðja vegu milli gamla bjálkahúss-
ins og nýja Eaton-hússins. Mun meira af gripum fannst í þessum skurði
en við uppgröftinn á bjálkahúsinu. Þar á meðal voru rúmlega 350 leir-
kersbrot. Flest brotin sem unnt var að greina með tilliti til leirkerjagerðar
voru úr bollum og undirskálum og einnig nokkuð úr diskum og skálum.
24 Les Henry, Catalogue Houses: Eaton’s and Others, Saskatoon: Henry Perspectives,
2000, bls. 77.
VÍðIVELLIR VIð ÍSLENDINGAFLJÓT
Mynd 6: Auglýsing fyrir hús sem
svipar til þess sem Guttormur
Guttormsson byggði (hér er húsið
kallað Earlborough en teikning-
arnar sem Guttormur keypti
kölluðust Spanish Bungalow) (Les
Henry, Catalogue Houses, bls.
77).