Tímarit Máls og menningar - 01.02.2009, Qupperneq 97
Tvæ r s m á s ö g u r
TMM 2009 · 1 97
sit um fox terrier, sem ég veit að er ekki á spjaldskrá, eða á sér reiknings-
númer. dauðþreyttur og skítugur sný ég síðan heim, reyki vindilinn
minn við ofninn og klóra feldinn á Plútó okkar, sem dinglar rófunni og
minnir mig á þverstæður tilveru minnar.
Það er því skiljanlegt að ég nýt þess að fara í langan göngutúr á
sunnudögum með konu og börnum og Plútó, göngutúr, þar sem ég þarf
aðeins að sýna fagurfræðilegan áhuga, því á sunnudögum tek ég jafnvel
ekki eftir því hvort hundar eru óskráðir.
En ég verð framvegis að velja aðra leið fyrir gönguferðir okkar, því að
nú þegar tvo sunnudaga í röð hef ég hitt yfirmann minn, sem stansar
ætíð, heilsar konu minni og börnum og klórar feldinn á Plútó. En það
merkilega er: Plútó líkar ekki við hann, hann urrar, vill taka á rás, sem
veldur mér verulegum kvíða, og verður til þess að ég kveð í flýti og það
vekur aftur grunsemdir yfirmanns míns, sem horfir með áhyggjusvip á
svitadropana spretta fram á enni mér.
Ég hefði ef til vill átt að skrá Plútó, en ég hef litla tekjur – ef til vill
hefði ég átt að taka upp annað starf, en ég er fimmtugur og á mínum
aldri breytir maður ógjarnan um starf: En hvað sem öðru líður er lífs-
háski minn orðinn of viðvarandi og ég myndi skrá Plútó ef það væri
hægt. Konan mín hefur í léttum rabbtón sagt yfirmanninum frá því að
höfum átt dýrið í þrjú ár, það sé orðið hluti af fjölskyldunni, og
óaðskiljan legur frá börnunum – og ámóta glettni sem gerir mér ókleift
að skrá Plútó nú.
Ég reyni árangurslaust að ná tökum á innri samviskuþjáningum
mínum með því tvöfalda kapp mitt í starfinu: En það kemur að engu
gagni: Ég hef komið mér í aðstæður þar sem ég á engra kosta völ. Reynd-
ar á maður ekki að kefla uxann sem bölsótast, en ég veit ekki hvort yfir-
maður minn er nægilega andríkur til að taka biblíutexta gilda. Ég er
glataður og margir munu telja mig vera óskammfeilinn en hvernig á ég
að komast hjá því þegar ég fæst stöðugt við hunda …
TMM_1_2009.indd 97 2/11/09 11:27:30 AM