Árbók Nemendasambands Samvinnuskólans - 01.06.1980, Qupperneq 197

Ragnar Snorri Magnússon sagði að skólinn nyti mikils
álits og því áliti þyrfti að halda við. Fannst menningar-
saga ekki eiga að skipa hærri sess en bókfærsla. Auka
þyrfti kennslu í skrifstofustörfum, leggja mætti niður
þýsku en bæta við viðskiptafræði. Spurning væri, hvort
ekki ætti að útiloka stúlkur frá skólanum en reisa þyrfti
þá kvennaskóla hér skammt frá.
Gaf nú fundarstjóri orðið laust.
Guðjón Sigurðsson tók til máls. Sagði að ekki veitti af
að taka upp kennslu í stafsetningu, fannst verslunarréttur
afleitur, þjóðhagfræði og reksturshagfræði væru einn
hrærigrautur.
Spyr nú Halldór frekar um námsefnið. Sigurður Hall-
dórsson telur ekki of mikið af menningarsögu, en sam-
vinnusagan sé afleit, enda skrifuð með gleraugum Jónasar
Jónssonar. Hagfræðina telur hann mannskemmandi til
lestrar.
Sigrún Jóhannsdóttir vildi fækka tímum í menningar-
og samvinnusögu, en auka verslunarstörf og verklega
kennslu, gera fleiri stíla á tungumálum.
Sigurður Þórðarson taldi menningarsögu ágæta en sam-
vinnusöguna hlægilega, vildi auka kennslu í verslunarhag-
fræði en leggja niður þjóðhagfræði.
Ragnar Magnússon sagði að fá þyrfti aðra bók i sam-
vinnusögu, menningarsagan væri of mikil í samanburði
við bókfærslu.
Pétur Helgason var fylgjandi menningarsögu t.d. hin-
um ýmsu stefnum sem þar koma fram. Vildi láta leggja
niður yfirheyrslur í tímum.
Jóhann Ólafsson spyr nú Sigurð Þórðarson hvort auk-
in verkleg kennsla yrði ekki svipuð og bókfærslukassinn.
Sigurður svaraði að það þroskaði menn betur til að sjá
hvar hætturnar væru í rekstri fyrirtækja.
Víkur nú stjórnandi fundarins að útivistinni.
Ragnar Magnússon sagði að skipuleggja þyrfti útivist-
ina betur og óhæft væri að reka menn út í manndráps-
veður.
13
193