Ný sumargjöf - 01.01.1861, Síða 33

33
undir hans leiðsögn á land fyrir austan Maraþón, (ár 490
f. Kr.) þarsem höfði nokkur skagar í sjó fram; undir
honum er skipalægi gott og hlé fyrir norðanvindi. —
Fjærri fór því, að Aþenuborgarmenn í háska þessura
æðruðust eða væru aðgjörðalausir, heldur sendu þeir í
ýmsar áttir um Grikkland lil að beiðast liðveizlu og er
mælt, að daghlauparinn Fidippides hafi runnið til Spörtu
á tveimur sólarhríngum. Hétu Spartverjar fúslega fulltingi
sínu, en kváðust eigi geta snúizt til liðveizlu fyrr en með
fullu túngli, svo sem lög þeirra fyrir skipuðu; svo voru
þeir fastheldnir við siðu sína, þó heill alls Grikklands væri
í veði. Hinar borgirnar voru sumar óvinveittar Aþenuborg,
en sumar þorðu ekki að brjóla bág við Persa konúng.
þannig átti hið litla ríki engu að treysta, nema sjálfu sér,
og voru nú kosnir tíu herforíngjar. Af þeim skal fremstan
telja Miltiades og var hann þeirra frægastur. Hann hafði
aflað sér mikils orðstírs með afreksverkum sínum á Kers-
onesus í þrakalandi og var hann allra manna vanastur við
hernað, snarpur bardagamaður og lét sér ekkert fyrir
brjósti brenna. Höfðu landar hans því mest traust á honum,
er í óvænt efni var komið, þó þeim annars stæði ótti af
ráðríki hans og léki grunur á, að hann sæktist eptir ein-
valds tigninni. Meðal hinna foríngjanna var Aristides,
sem var allra manna réttsýnastur og ósérdrægastur og
þemistokles, er síðar vann Xerxes við Salamis; hann var
fullhugi mikill, en metnaðargjarn og undirhyggjumaður.
Jafnframt þessum tíu foríngjum réði Kallimakkus herstjóri
(polemarkos) * einnig fyrir liðinu.
*)Svo nefndist sá af hintim níu æðstu embættismönnum í Aþenu-
borg, sem réði fyrir hernaðar málum.
Ný Sumargjuf 1861. .
3