Norðurljósið - 01.01.1966, Qupperneq 16

16
NORÐURLJÓSIÐ
Guð er til, að hann sé almáttugur, því að við getum ekki hugsað
okkur Guð, sem ekki er almáttugur. Nú er það ómótmælanleg
staðreynd, að hið illa er til. Ef því Guð er til og hann er bæði
góður og almáttugur, þá hlyti hann að hafa útrýmt hinu illa fyrir
löngu. En fyrst hann gerir það ekki, þá er hann hvorki góður né
almáttugur, og þess vegna er hann ekki til.“ A þessa leið fórust
unga manninum orð.
Eg svaraði honum: „Guð er búinn að svara þessu fyrir löngu.
Við skulum líta í 75. Sálminn í biblíunni, 2. vers, og sjá, hvað
stendur þar. „Þegar mér þykir tími til kominn, dæmi ég réttvís-
lega.“ Ég spurði hann síðan: „Hvor ræður því, hvenær mál er
tekið í dóm, dómarinn eða afbrotamaðurinn?“ „Dómarinn, auð-
vilað,“ svaraði hann. Eg benti honum þá á, að Guð sem dómari
bíður með dóminn og burtrýmingu hins illa, unz honum þykir
kominn tími til að taka málið í dóm.
Þær eru margar, ástæðurnar, sem menn þykjast hafa, þegar
það er skoðun þeirra eða jafnvel trú, að enginn sannur, lifandi
Guð sé til, sem skipti sér af okkur mönnunum. Eg held þær séu
flestar léttar á metunum. Nýjasta röksemd sumra manna er sú,
að Gagarín geimfari, til dæmis, hafi ekki séð Guð eða orðið var
við hann, er hann fór umhverfis jörðina. Má ég benda á, að
Kristur sagði ekki: „Sælir eru geimfarar, því að þeir munu Guð
sjá.“ Hann sagði: „Sælir eru hjartahreinir, því að þeir munu
Guð sjá.“ „Hverjir eru hjartahrein,ir?“ kunna sumir að spyrja.
Biblían svarar því þannig, að Guð hreinsi hjörtu manna með
trúnni, og á hún þar við trú á Jesúm Krist og trú á fyrirgefningu
syndanna fyrir sakir nafns hans. Þessa trú mun Gagarín alls ekki
hafa átt, því að hann trúði ekki jafnvel því, að Guð væri til.
Annars tiltók Kristur ekki tímann, hvenær hinir hjartahreinu sjái
Guð, nema hvað hann sagði: „Þeir munu Guð sjá.“ Hann notaði
framtíð, ekki nútíðarmynd af sögninni að sjá.
Það var eitt sinn stjarnfræðingur, hver hann var, veit ég ekki
eða man ekki. Hann var þá ungur, er hann missti trú sína á til-
veru Guðs, þegar óravíddir himingeimsins lukust upp fyrir hon-
um, og óteljandi sólkerfi blöstu við sýn. En veðurs vegna gat
hann ekki alltaf verið að skoða himingeiminn. Hann tók þá smá-
sjána og hóf smásjárrannsóknir. Þá opnuðust honum nýir heim-
ar, smækkuð útgáfa af furðuverkum himinsins. Þetta gat ekki
verið tilviljun. Bak við þessi undrasmíði hlaut að vera hugsun
og almættiskraftur. Trúin á Guð kom til hans aftur, enda segir
biblían, að eilífur máttur Guðs sé skiljanlegur af verkum hans.