Norðurljósið - 01.01.1966, Page 70

70
NORÐURLJÓSIÐ
Ég kunni ofurlítið í ensku. Ég las bók eftir dr. R. A. Torrey. Hún
heitir „The Baptism With the Holy Spirit.“ Þar las ég um þá
gjöf Guðs, sem höf. nefndi „Skírn heilags Anda“ eða „Fylling
heilags Anda.“ Mér hafði verið kennt, að allir, sem tækju á móti
Kristi sem frelsara sínum, fengju um leið heilagan Anda. Ég gat
ekki borið á móti því, að slík var reynsla mín. En ég hafði lítið
heyrt um fylling Andans, eða það hafði farið framhjá mér. Nú
var ég í sárri þörf fyrir meira frá Guði en ég hafði áður hlotið.
Ég leitaði þessarar fyllingar Andans. Guð gaf mér meira af Anda
sínum þá en ég hafði áður haft. Biblían varð mér sem opin bók,
sem létt var að leggja út af, þegar talað var fyrir trúuðum.
Hér nam ég staðar lengi. Sá tími kom, að ég sá, að ég hefði
átt að sækjast meir eftir meiri íklæðingu kraftarins frá hæðum,
svo að þjónusta mín hefði verið ávaxtaríkari en hún hefir orðið.
Sumir munu vera í svipuðum sporum. Þeim hefir verið kennl
með réttu, að þeir hafi heilagan Anda, en fyllinguna vantar.
Oðrum hefir verið kennt, hve nauðsynlegt það sé, að öðlast skírn
heilags Anda. Og til þess að þeir geti verið fullvissir um, að þeir
hafi öðlazt þessa skírn Andans, þurfi þeir að hafa talað tungum.
Þegar svo þetta er fengið, er þráðu takmarki náð. Fólkið tekur
með gleði að vitna fyrir öðrum, hve dýrmæta og indæla reynslu
það hafi hlotið. Ár eftir ár er haldið áfram að vitna um þessa
reynslu, unz hún verður að þungamiðju í vitnisburði og jafnvel
í prédikun.
Þetta er ekki ritað til að aftra fólki frá að tala tungum, því að
biblían segir: „Aftrið því ekki, að talað sé tungum.“ Þetta er
ritað til að leggja á það áherzlu, að Guð hefir MEIRA handa
börnum sínum en þetta. Hér má ekki nema staðar á leið til and-
legs þroska. „Nem hvergi staðar á sléttlendinu,“ gildir einnig
á sviðum trúarlífsins. Fram undan eru fjöllin, meiri fylling, meiri
kraftur, víðari sjóndeildarhringur, skýrari skilningur á því, hvað
oss er af Guði gefið.
Náðargáfur Andans eru níu, eins og þær eru taldar upp í 1
Kor. 12. Meiri gáfur Andans eru til en tungutal og útlegging
tungna, segir postulinn. Sbr. „Sá sem spáir, er meiri en sá, sem
talar tungum.“ (1 Kor. 14. 5.) Eftir þeim gáfum er oss boðið að
sækjast. (1 Kor. 12. 31.) Mundi ekki heilagur Andi gefa fleirum
lækningagáfu, t. d. ef sótzt væri ákaft eftir henni? Maður, sem
hefir lækningagáfu, getur þjónað meðbræðrum sínum á sama
hátt og Drottinn Jesús þjónað.i samtíð sinni. Og er ekki hörgull
á fræðurum í orði Guðs? Það eru gáfur Andans: að mæla af