Norðurljósið - 01.01.1966, Síða 116

116
NORÐURLJÓSIÐ
„Nínivemenn trúðu Guði og boðuðu föstu og klæddust hæru-
sekk, bæði ungir og gamlir.“ Hún frelsaðist frá þeirri tortím-
ingu, sem henni var boðuð.
En Sódómubúar og tengdasynir Lots, sem höfnuðu boðskap
Guðs, þeir fórust. „Og Drottinn lét rigna yfir Sódómu og Góm-
orru brennisteini og eldi frá Drottni af himni.“ Slík urðu enda-
lok fólksins, sem hélt áfram að lifa í syndum sínum, hugsaði ekki
um sálir sínar og gleymdi því, að „laun syndarinnar er dauði.“
Guð kallar til heimsins, til sálna mannanna enn í dag. Raust
hans hljómar um alla jörðina í orði hans, sem boðað er til endi-
marka jarðarinnar. Hann býður öllum, að þeir komi til hans og
láti frelsast frá syndum sínum og hegningu þeirra.
Við vitum af biblíunni, að dómur mun ganga yfir jörðina, af
því að syndin er ráðandi í hjörtum mannanna. „Það liggur fyr.ir
mönnunum eitt sinn að deyja, og eftir það er dómurinn.“ Þess
vegna lætur Guð raust sína hljóma og býður öllum að koma
til sín.
Það er Guð, sem gert hefir allt, sem unnt er, til að koma þess-
um synduga heimi í sátt við sig og heilagleika sinn. Það er Guð,
sem segir: Komið nú og eigumst lög við. Þó að syndir yðar séu
sem skarlat, skulu þœr verða hvítar sem mjöll. Þó að þœr séu
rauðar sem purpuri, skulu þœr verða sem ull.“ (Jes. 1. 18.)
Með krossi Jesú á Golgata segir Guð við okkur synduga menn:
„Ég vil verða Guð ykkar.“ Hann býður okkur fullkomið rétt-
læti, fyrirgefningu syndanna og eilíft líf fyrir trúna á Drottin
Jesúm Krist. Þetta er fagnaðarerindi hans. Það er gleðiboðskapur
hverjum manni, sem trúir honum og snýr sér frá syndum sínum,
eins og Nínevemenn gerðu forðum.
En fagnaðarerindið flytur einnig aðvörun þeim, sem trúir því
ekki og hafnar því. Það eru margar aldir liðnar, síðan Sódóma
var i eyði lögð. Þó er sem hún kalli til allra manna: „Hafnið ekki
boðskapnum um frelsun. Lítið ekki á hann sem gamanmál.“
Fagnaðarerindið skiptir mönnum í tvo flokka. Sumir hafna
Kristi, aðrir velja hann, sem frelsara sinn. I hvorum flokknum
kýst ÞU að vera?
Vilt þú ekki gefa gaum að kalli Guðs, trúa honum og gefa hon-
um sjálfan þig og ævi þína alla?
Jesús sagði: „Komið til mín allir þér, sem erjiðið og þunga
eruð hlaðnir, og ég vil veita yður livíld.“ (Matt. 11. 28.) Þetta
orð hans er handa þér. Kom þú.
-x-