Tímarit íslenzkra samvinnufélaga - 01.10.1923, Side 30

Kynnisför
sunnlenskra bænda til Norðurlands vorið 1920.
pessir ferðamolar, sem hér koma almenningi fyrir
sjónir, hefðu átt að vera komnir miklu fyr. Orsakirnar til
þess, að svo varð ekki, eru ýmsar. I fyrsta lagi það, að við,
sem létum tilleiðast að minnast fararinnar, höfum lítið
fengist við ritstörf áður, og teljum okkur lítt fallna til
þess. I öðru lagi það, að allmikil fjarlægð er á milli okk-
ar, og því örðugt með samvinnu, sem að mörgu leyti var
bagalegt. Einnig hefir alt, er að bókaútgáfu lýtur, verið
mjög dýrt til þessa. Og síðast en ekki síst, að tíminn, sem
við höfum haft til þessa, eru aðeins kvöldvökurnar, eftir
vinnu.
Við höfðum mjög litlar heimildir við að styðjast, aðr-
ar en tölur um stærð nokkurra jarða, sem Búnaðarfélag
íslands lét nokkur fá, er við lögðum af stað úr Reykjavík.
Á hröðu ferðalagi, eins og oft var hjá okkur, er ekki
hægt að skrifa nema lítið eitt, sem oft vill verða ruglings-
legt og í molum. Að öðru leyti urðum við að skrifa eftir
minni. það getur því átt sér stað, að okkur hafi sést yfir
margt, sem vert væri að minnast. En um það má lengi
deila, hvað beri að taka, og hverju að sleppa.
Eftir að norðlensku bændurnir höfðu heimsótt Sunn-
lendinga vorið 1910, var ákveðið, að sunnlenskir bændur
og bændasynir færu kynnisför til Norðurlands.
Vorið 1914 stóð til að för þessi yrði farin, og hét
Búnaðarsamband Suðurlands að veita lítinn styrk 10—12
mönnum úr Árnes-, Rangárvalla- og' Vestur-Skaftafellssýsl-
um. það ár var vetur- og vorhart á Suðurlandi, svo að ekki