Tímarit íslenzkra samvinnufélaga - 01.10.1923, Page 65

Tímarit íslenskra samvinnufélaga. 111
mjög spakur og var auðséð, að þarna átti hann öruggan
griðastað.
þegar við komum aftur að Reykjahlíð, var kominn
þar til móts við okkur þórður Flóventsson, fyr bóndi í
Svartárkoti í Bárðardal, og bauðst til að verða fylgdar-
maður okkar suður yfir Sprengisand, og var því tekið með
þökkum. Við fréttum nú, að þjórsá væri óreið á Sóleyjar-
höfðavaði; það ráð var því tekið, að síma suður á Rangár-
velli til form. búnaðarsambands Suðurl., hr. Guðm. þor-
bjarnarsonar á Stóra-Hofi, og biðja hann að ferja okkur
yfir Tungná, því hún er óreitt sundvatn.
þegar við vorum í Mývatnssveit, var kominn há-
sláttur og tún meira en hálfslegin, en ekki dró það neitt
úr gestrisni Mývetninga, og þegar við fórum frá Reykja-
hlíð, fylgdust með okkur allir verkfærir karlmenn, og bætt-
ust altaf nokkrir í hópinn á hverjum bæ, er fram hjá var
farið. Fyrsti bærinn, sem við komum að, heitir í Vogum;
þar búa þrír bræður, synir Hallgríms Péturssonar frá
Reykjahlíð, sem lengi-bjó í Vogum, og er nú hjá sonum
sínum þar; slóst hann einnig í förina, þó kominn sé á átt-
ræðisaldur; er hann fróður um margt og skýr. Sumir okk-
ar fóru heim að Geiteyjarströnd, til að skoða þar spuna-
vél, sem er mjög gagnlegt áhald við ullarvinnuna og ætti
að vera notuð á hverju sveitaheimili. Vél þessi er smíðuð
af Bárði Sigurðssyni á Höfða. Hjá Garði litum við á sil-
ungaklak Mývetninga; ekki er það margbrotinn útbúnað-
ur, en býsna þýðingarmikill fyrir silungsveiðina, sbr.
skýrslu Halldórs skólastj. á Hvanneyri í „Tímanum“.
Á Grænavatni er tvíbýli; þar býr Helgi Jónsson hrepp-
stjóri, bróðir Sigurðar á Ystafelli, og síra Árna heitins á
Skútustöðum. Hinn bóndinn heitir Guðni Einarsson. þar sá-
um við 60 ára gamla heyhlöðu, og voru veggir hennar
óhaggaðir. þar er baðstofa 40 álna löng, með 5 álna háum
veggjum. Öll umgengni bar vott um snyrtimensku og
listfengi.
Eftir nokkra viðstöðu hélt allur hópurinn til baka fram
hjá Garði; þar var stigið af baki, í brekku norðan við bæ-