Andvari - 01.01.1972, Blaðsíða 18

16
ÞÓRSTElNN b. gíslason
ANDVARI
meðan ævin entist. Þeim fannst það sjalfsagt, að vinna húsbóndanum af
fullri trúmennsku og dyggð og hugsa um hans hag ekki síður en sinn eigin,
og milli hans og margra hjúanna myndaðist það kærleikssamband, sem varð
ekki auðveldlega rofið.
Þau hjónin Guðmundur og Sigurlaug áttu ekki börn, sem upp komust.
Þau höfðu eignazt þrjá drengi, sem dóu um og fljótlega eftir fæðingu. Voru
tveir þeirra skírðir, og hétu þeir Asgeir og Eggert Osvald, en sá þriðji fædd-
ist andvana. Var þetta að sjálfsögðu mikið áfall fyrir þessi merku hjón. En
þótt svona færi, var heimilið í Ási sjaldan harnlaust. Idjá þeim hjónunum
ólust upp sjö fósturbörn að meira eða minna leyti og sum alveg. Þau hjónin
voru bæði barnelsk og barngóð og litu á þessi fósturbörn sem sín eigin börn
og breyttu við þau alla tíð sem slík. Létu þau sér rnjög annt urn uppeldi
þeirra og báru hag þeirra og heill sífellt fyrir hrjósti. Voru þessi börn mjög
elsk að Guðmundi og þeim hjónum báðum, virtu hann mikils og báru ríka
þakklætistilfinningu í brjósti til hans. Þessi fósturbörn Guðmundar og Sig-
urlaugar voru sem hér segir:
1. Kristinn Bjarnason verkamaður síðast í Reykjavík, f. 19. maí 1892
og dáinn 12. júlí 1968. Var hann kvæntur Kristínu Sölvadóttur og
síðar Guðfinnu Árnadóttur.
2. Anna Benediktsdóttir frú í Reykjavík, f. 25. febr. 1898, ekkja eftir
Friðrik Lúðvígsson kaupmann í Reykja\'ík.
3. Olína Soffía Benediktsdóttir, f. 2. nóv. 1899, gift séra Þorsteini B.
Gíslasyni fyrrverandi prófasti í Steinnesi, nú til heimilis í Reykjavík.
4. Séra Guðmundur Benediktsson prestur á Barði í Fljótum, kvæntur
Guðrúnu Jónsdóttur. Lézt hún hinn 23. des. 1959. Séra Guðmund-
ur er nú búsettur á Akranesi hjá dr. Guðmundi efnafræðingi, syni
sínurn.
5. Valdís Emilía Valdemarsdóttir, f. 3. okt. 1908, d. 30. júní 1939. Idún
var gift Pétri Þ. Einarssyni á Blönduósi.
6. Ásgrímur Kristinsson verzlunarmaður í Reykjavík, áður bóndi á Ás-
brekku, f. 29. des. 1911, kvæntur Ölöfu Sigurbjörnsdóttur og síðar
Guðnýju Guðmundsdóttur.
7. Arnkell Benediktsson verkfræðingur, f. 9. okt. 1922 og d. 19. júní
1955. Hann var ókvæntur.