Gerðir kirkjuþings - 1994, Blaðsíða 22
1994
25. KIRKJUÞING
1. mál
Kemur þetta enn greinilegar fram í tillögum þeim að starfsreglum
prestssetrasjóðs, sem lagðar verða fyrir þetta þing. Prestastefnan fékk þessar
reglur til skoðunar í sumar sem leið og þær hafa auk þess verið unnar í samráði við
kirkjuráð, fulltrúa úr kirkjueignanefnd og synodalnefnd prestastefnu auk stjómar
prestafélagsins.
Við fjölluðum um ffumvörp þessara mála í fyrra, nú er ekki síður nauðsynlegt
að huga vel að starfsreglum og fyrirkomulagi öðm. Er það mjög þýðingarmikið, að
ríkuleg samstaða náist, þegar kirkjan sjálf axlar ábyrgðina og skiptir miklu, hvemig
að er staðið, bæði á kirkjuþingi og svo í útfærslu og stjómun.
Framangreind mál tengjast eðlilega störfum kirkjueignanefnda sem starfað
hafa í tvö ár og ber að móta framtíðarráðstöfim kirkjueigna. Þetta hefiir ekki reynst
auðunnið, en ég vil sérstaklega þakka kirkjuhluta nefndarinnar fyrir vel unnin störf,
þar sem lögð hefiir verið áhersla á að finna þær leiðir, sem helst geta leitt til lausnar
þessa þýðingarmikla en viðkvæma máls.
Þykir mér ekki síst mikilvægt, að komið sé á vinnureglu um sölu kirkjujarða,
en mikill misbrestur hefiir verið á því, að þann veg hafi verið staðið að þeim málum,
að hlutur kirkjunnar hafi verið virtur sem skyldi. Hafa þau mál komið fyrr ffam á
kirkjuþingi, en skýrsla nefhdarinnar verður lögð ffam á þinginu og gefst þá tækifæri
til þess bæði að ræða hana og leita enn ffekari upplýsinga.
Bendir nefndin á leið, sem mjög er þess virði að skoða. Sé þar um að ræða
nýjan "sáttmála" í anda samkomulagsins ffá 1907, þar sem laun presta og
ráðstafanir kirkjujarða tengdust. Og væri þá vonandi hægt í eitt skipti fyrir öll að
þagga niður í þeim röddum, sem sífellt fjargviðrast yfir því, hversu þungur baggi
prestamir séu á ríkinu, þegar laun þeirra eru skoðuð. Tengist þetta mál einnig
tillögum skipulagsnefndar um fjölda prestsembætta og hlut ríkisins í því máli. En
þær tillögur verða einnig ræddar sem sérstakt mál þingsins.
Eg hef varið nokkrum tíma í að fara yfir þessi mál. Þykir mér það eðlilegt,
enda þótt þau komi ffam síðar sem sérstök þingmál. En hér hef ég leitast við að
drepa á þá þætti, sem rekja má í gegnum störf nefndanna og okkur ber að huga
sérstaklega að. Ekkert þeirra mála, sem kirkjan er að fjalla um, stendur svo
sjálfstætt, að ekki snerti önnur. Yfirsýn er því nauðsynleg og með henni kemur
vonandi vaxandi skilningur, sem síðan verður að undirstöðu þeirrar samstöðu, sem
okkur ber að vinna að. Treysti ég því, að kirkjuþing taki á öllum þessum málum
þannig, að hagur kirkju sé styrktur og færi heill öllum þeim, sem að koma og eiga
nokkuð undir um ffamkvæmd.
17