Gerðir kirkjuþings - 1994, Blaðsíða 278

1994
25. KIRKJIJÞING
15. mál
TILLAGA
til þingsályktunar um helgihald á ferðamannastöðum
Flm. dr. Einar Sigurbjömsson og sr. Jón Einarsson
Frsm. dr. Einar Sigurbjömsson
Kirkjuþing 1994 beinir því til prófasta og héraðsnefnda að skipuleggja helgihald fyrir
ferðamenn. í því sambandi verði hugað sérstaklega að helgihaldi fyrir fólk sem dvelst í
orlofshúsum og sumarbústöðum um helgar og hátíðir og fyrir ferðamenn bæði innlenda
og erlenda sem fara um landið. Einnig er nauðsynlegt að hafa kirkjur opnar fyrir fólk
sem á leið framhjá þeim bæði til kynningar og eins til þess að fólk geti átt í þeim
kyrrðar- og bænastundir.
Greinargerð
Ferðamannastraumur hefur aukist mjög á síðustu árum og margir telja, að helsta
vaxtarbrodd í atvinnumálum og gjaldeyrisöflun sé að finna í ferðaþjónustu. Eins hafa
möguleikar íslendinga á því að ferðast um eigið land aukist mjög á síðari ámm. Fólk
eyðir helgum og hátíðum í orlofshúsum og sumarbústöðum og yfir sumartímann
myndast víða í sveitum nýjar byggðir þegar þéttbýlisbúar flykkjast í sumarbústaði. Þá
fjölgar erlendum ferðamönnum jafnt og þétt. Þetta eru nýjar aðstæður fyrir kirkjuna í
landinu og ljóst, að hún þarf að bregðast við þeim með skipulegum hætti. Margir
prestar og söfhuðir hafa víða brugðist við á réttan hátt með því að hafa guðsþjónustur á
ferðamannastöðum. Þá starfsemi þarf mjög að auka og auglýsa, svo að til skila komist.
Til viðbótar þarf að gera kirkjuna sýnilegri en hún er nú því fólki sem ferðast
um landið yfir sumartímann. Island býður upp á margt sem er aðlaðandi fyrir
ferðamenn. Þar ber hæst stórbrotna náttúru og foman menningararf og með réttu er
honum haldið á loft í ferðamannabæklingum og auglýsingum fyrir ferðamenn jafnt
innlenda sem erlenda. En það vekur athygli, að það er hægt að ferðast um landið án
þess að verða var við, að kirkjur landsins séu í notkun. Þeirra er sjaldan getið og óvíða
er á fjölmennum miðstöðvum fyrir ferðafólk auglýst, að nokkuð fari fram í kirkjunum
nema tónleikar sem eru víða haldnir í kirkjum og er vissulega af hinu góða. En kirkjur
þurfa líka að gegna sínu eiginlega hlutverki við fólk með því að vera bænahús.
Það er því brýnt, að prófastar og héraðsnefndir taki að sér að skipuleggja
helgihald innan prófastsdæmanna og koma fyrir auglýsingum um kirkjur og kirkjulega
starfsemi á stöðum þar sem ferðamenn koma svo sem í söluskálum,
ferðamannamiðstöðum, við sundlaugar o.s.ffv.
Þetta er líka nauðsynlegt vegna ímyndar landsins sem ferðamannalands. Það
bendir margt til þess, að sú skoðun sé að verða býsna algeng meðal þeirra sem um
273