Gerðir kirkjuþings - 1994, Side 74

1
Halldór Reynisson:
Skýrsla vegna ferðar á ráðstefnu LWF
um kristna trú og önnur trúarbrögð
í Finnlandi 25. - 29. ágúst 1994
"Christianity and Other Faiths in Europe Today" var nafnið
á ráðstefnu á vegum Lúterska heimssambandsins sem ég sótti í
Finnlandi dagana 25.-29. ágúst s.l. Þar voru samankomnir u.þ.b.
35 fulltrúar flestra lúterskra kirkna í Evrópu til að ræða um
tengsl kristinnar trúar og annarra trúarbragða.
Samræðan á málþinginu var tvenns konar; annars vegar fluttu
ráðstefnugestir skýrslur af samskiptum kristni og annarra
trúarbragða í eigin landi, hins vegar voru haldnir fyrirlestrar
um viðfangsefni ráðstefnunnar.
Það kom í ljós 1 máli flestra fulltrúanna frá Vestur-Evrópu
að samskiptin við Islam og múslima væru þeim ofarlega í huga, svo
og sú fjölhyggja sem einkennir viðhorf fólks. Til grundvallar
liggur sú staðreynd að mikil fjöldi verkamanna frá löndum Islam
hefur sest að í Vestur-Evrópu til lengri eða skemmri tíma.
Múslimar í Evrópu eru því minnihluti sem býr við öll þau
félagslegu kjör sem minnihlutar búa gjarnan. Viða ríkir spenna
í samskiptum múslima og kristinna manna sem kirkjulegar stofnanir
reyna víða að draga úr. Þá kom framn í máli eins fulltrúa að sum
staðar hefðu kirkjulegar stofnanir beitt sér fyri-rþví að samþykkt
væri n.k. sameiginlegar siðareglur trúarhópa, t.d. að virða
mannréttindi, læknisvísindi o.s.fr.
Á málþinginu voru einnig fulltrúar frá fyrrverandi
kommúnistaríkjum - Ungverjalandi, Tékklandi, Slóvakíu, Eistlandi,
Rúmeníu og Úkraínu. Þeir sögðu að ástandið í A-Evrópu væri
gjörólíkt því sem er í V-Evrópu. Þar ríkir sum staðar trúarlegt
tómarúm eftir hrun kommúnismans, eða jafnvel trúarlegt
áhugaleysi. Þannig sagði fulltrúi Eistlands að þar í landi væru
aðeins í kringum 20% íbúanna meðlimir einhverrar kirkju og áhugi
á trúmálum virtist ekki mikill. Fulltrúi Úkraínu sagði að þar
í landi sem og í Rússlandi væri trúarlegur áhugi mikill. Alls
konar "spámenn" reyndu að fá fólk til fylgis við sig og sumir
þessara manna væru dýrkaðir nánast eins og guðir. í Ungverjalandi
og Tékklandi bæri töluvert á Nýaldarhreyfingunni og austrænum
trúarhópum, en allir voru fulltrúarnir frá Austur-Evrópu sammála
um að fræðsla um trúmál, kristna trú sem önnur trúarbrögð væri
mjög af skornum skammti. Brýnt væri að efla menntun á þessu sviði
ekki síst til að vinna gegn trúarvingli.
Ég flutti skýrslu um stöðu mála á íslandi og sagði frá því
að hér á landi væru enn sem komið er ekki stórir hópar áhangenda
annarra trúarbragða. Þess vegna væri samræða milli kristinna
manna og manna af öðrum trúarbrögðum varla til. Hér bæri hins
vegar töluvert á Nýaldarhreyfingunni og Ásatrúarfélagið hefði
vakið nokkra forvitni, ekki síst erlendra blaðamanna (sjá
meðfylgjandi skýrslu).
Ýmis merkileg erindi voru flutt á þessu málþingi. Dr.
Reinhart Hummel frá Stuttgart benti á að innflytjendur hefðu í
raun flutt önnur trúarbrögð með sér til Evrópu, frekar en að um
skipulegt trúboð hefði verið að ræða. Þá yrði að skoða samskipti
milli trúarbragða frá ólíkum sjónarhornum; friðsamleg sambúð,
69