Tímarit Máls og menningar - 01.02.2009, Side 32

J ó n Yn g v i J ó h a n n s s o n
32 TMM 2009 · 1
fyndni um land, þjóð og tungu. Toxic þýðir nöfn og örnefni snarlega
með hljóðlíkingum, Garðabær verður „Guard the beer“, Gunnhildur
„Gunholder“ og hjónin Sigríður og Guðmundur „Sickreader“ og „Good-
moon door“. Þetta er oft fyndið, svona eins og þegar leiðréttingamask-
ínan í Word breytir fyrir manni Sigurði nordal í Sigurð normal ef
maður er að skrifa á ensku, og Toxic virðist hugsa á heimsmálinu en ekki
eigin móðurmáli. Orðaleikirnir ganga líka í hina áttina, í bókinni er
fullt af beinþýðingum úr ensku yfir á íslensku.
Toxic hefur auga fyrir ýmsu sem er sérkennilegt, hallærislegt og
skondið við Ísland, en það er engin sérstök dýpt í þeim athugasemdum.
Tíu ráð … er spennandi saga, hún er fyndin og það gladdi marga hvað
hún er markviss, Hallgrímur svarar hér þeirri gagnrýni að honum hætti
til málalenginga og bækur hans séu of langar. Hallgrímur ku vinna að
enskri gerð sögunnar og það verður fróðlegt að fá hana í hendurnar.
Sagan fjallar öðrum þræði um sambýli enskunnar og íslenskunnar, ein-
hvers konar gagnkvæmt sníkjulíf, tungumálapælingarnar eru það sem
er athyglisverðast við söguna og þær verða fyrst fullgerðar þegar báðar
gerðir hennar verða komnar út.
Rif úr mannsins síðu
Algleymi, Vetrarsól og 10 leiðir til að hætta að drepa fólk færa okkur
kyrfilega inn í nútímann og raunar er fyllsta ástæða til að efast um alla
tímaása og línulega skipan sögunnar eftir lestur þeirrar fyrstnefndu. En
mig langar að enda á tveimur skáldsögum sem hitta samtímann alger-
lega í hjartastað, báðar eru pólitískar þótt þær séu líka margt annað og
báðar eru bullandi femínískar þótt líka megi finna í þeim fjölda annarra
þráða. Þetta eru Skaparinn eftir Guðrúnu Evu Mínervudóttur og Konur
eftir Steinar Braga.
Skaparinn á eins og margir hafa bent á ýmislegt sameiginlegt með
síðustu skáldsögu Guðrúnar Evu, Yosoy. Viðfangsefni Guðrúnar Evu
eru alltaf öðrum þræði heimspekileg, samband líkama og hugar, efnis
og anda eru henni sífelld uppspretta nýrra sagna og frjórrar hugsunar.
Skaparinn sem sagan dregur nafn sitt af er brúðugerðarmaðurinn
Sveinn, sem eftir misheppnað listnám hefur snúið sér að því að hanna
og framleiða háklassa kynlífsdúkkur í verkstæði sínu á Akranesi. Þang-
að kemur hin aðalpersóna sögunnar, einstæða móðirin Lóa og gistir
eina nótt eftir að hafa drukkið frá sér ráð og rænu í félagsskap Sveins.
Lóa stelur einni af dúkkunum, í framhaldi af því kynnast þau betur og
Sveinn verður þátttakandi í lífi Lóu á erfiðum tíma í lífi hennar. dóttir
TMM_1_2009.indd 32 2/11/09 11:27:27 AM