Tímarit Máls og menningar - 01.02.2009, Side 42

K a t r í n J a k o b s d ó t t i r
42 TMM 2009 · 1
og segir í góðu dægurlagi þótt hún sé störfum hlaðin, reksturinn á lög-
mannsstofunni gangi brösuglega og hún eigi tvö börn og eitt barnabarn
auk tengdadóttur sem eru iðulega öll á hennar heimili, enda eignaðist
sonur hennar barn barnungur að aldri. Grínið er hins vegar aldrei langt
undan hjá Þóru sem dregur úr raunsæi bókanna en gerir þær um leið
skemmtilegar aflestrar.
Að þessu sinni fær Þóra dularfullt mál upp í hendurnar í gegnum
Matthew sem er fluttur til Íslands og orðinn yfirmaður öryggismála hjá
Kaupþingi (væntanlega því gamla). Málið snýst um verktakafyrirtæki
sem er í viðskiptum við bankann en stendur ekki við áætlanir í verkefn-
inu sem er námuvinnsla á Grænlandi. Þóra og Matthew þurfa því að
halda til óbyggða Grænlands til að kanna málin en í vinnubúðum
verktakans næst ekki í neinn, og þar virðist eitthvað dularfullt hafa
gerst. Og til að bæta gráu ofan á svart eru veður vægast sagt válynd á
þessum slóðum.
Sviðsetningin er því í ætt við hryllingsmynd og á köflum tekst Yrsu
að láta hárin rísa. Á sama tíma er atburðarásin brotin upp með fárán-
legum aðstæðum sem Þóru tekst að lenda í; til að mynda pakkar hún
drukkin ofan í töskuna því að kvöldið fyrir brottför kemur vinkona
hennar óvænt í heimsókn og þær detta í það saman. Þegar hún tekur
upp úr töskunni bíður hennar hins vegar fullkomlega óhagnýtt samsafn
af flíkum:
Efst lágu hælaskór og annað virtist álíka gáfulegt, capri-buxur sem hún hafði
sennilega hent ofan í vegna þess hve vel þær klæddu hana, pils, kjólar og pasm-
ína-sjal þakið glimmer sem foreldrar hennar höfðu gefið henni eftir eina af
mýmörgum ferðum til Kanarí. Sjalið hafði hún aldrei notað og myndi aldrei
nota, allra síst hér. Eftir töluvert grams fann hún þó gallabuxur og þykka peysu
sem hún gat farið í án þess að verða sér til skammar. Undir peysunni varð hún
að klæðast silkiblússu. Veðrið virtist hafa gengið niður svo þar var sem betur
fer ekki hundrað í hættunni. Ef það brysti á með brjáluðum stormi yrðu þau
hvort eð er inni og þá gæti Þóra spókað sig í matsalnum á hælaskóm og með
glimmer sjal. (91)
Helsti galli sögunnar er að fléttan er stundum dregin á langinn með
útúrdúrum og aukaflækjum, að ósekju hefði mátt skerpa fléttuna og
gera söguna snarpari. En sagan státar af góðum hugmyndum og svið-
setningu og sterkri aðalpersónu.
Einar blaðamaður snýr aftur í áttundu skáldsögu Árna Þórarinssonar
en þeirri sjöttu sem skartar honum í aðalhlutverki og ber hún nafnið
Sjöundi sonurinn. Að þessu sinni fer Einar frá útstöð Síðdegisblaðsins á
TMM_1_2009.indd 42 2/11/09 11:27:27 AM