Árbók íþróttamanna - 01.12.1951, Page 247
nokkru leyti þakka honum árangur flokksins. Flokkurinn fór fljúgandi
báðar lei&ir.
Nokkrum dögum síðar kom III. flokkur Knattspyrnufélags Reykjavíkur
og lék 2 leiki. Fyrri leikurinn var gegn úrvali úr II. fl. Harðar og Vestra.
og sigruðu gestirnir með miklum yfirburðum, enda eru þeir bæði ís-
landsmeistarar og Reykjavíkurmeistarar í þessum flokki. í síðari leiknum
var teflt fram blönduðu liði úr II. og III. fl. bæjarfélaganna, og lyktaði
honum með sigri ísfirðinga, 1—0.
Reykjavík
Bæjarmótin voru með svipuðu sniði og árið áður, en auk þeirra sá
Knattspyrnuráð Reykjavíkur um öll landsmótin (sjá bls. 217—228).
Erlend knattspyrnulið léku 11 leiki í Reykjavík, og hafa aldrei farið
fram jafnmargir útlendingaleikir á sumri. Arið 1949 voru þeir 8 (sjá
bls. 230-236).
Á aðalfundi Knattspyrnuráð&ins í febr. voru ákveðnar nokkrar breyt-
ingar á fyrirkomulagi Reykjavíkurmótanna. Var ákveðið, að til maíloka
og eftir miðjan ágúst skuli leikir í meistara-, I., III. og IV. flokkum fara
fram á laugardögum og öllum leikjum raðað niður fyrirfram. Aftur á móti
skuli leikir II. fl. fara fram í miðri viku.
Á árinu varð koma enska knattspyrnudómarans Mr. Victors Rae til
að koma nýju lífi í dómarana, sem orðnir voru nokkuð rislágir. Sýndi
hann hér nýjar kennslumyndir og myndir til útskýringar á lögunum, og
jók það mjög áhuga dómara og leikmanna almennt á lögunum og túlk-
un þeirra. Ekki var þó haldið neitt námskeið á árinu, og fækkaði því
starfandi dómurum heldur en hitt. Formaður KDR var Helgi Helga-
son (eldri).
Á miðju sumri tilkynnti stjórn hins nýstofnaða félags, K-49, að félagið
befði verið lagt niður. Fækkaði því félögunum í bænum úr 6 í 5. Eins
°g mótaskýrslur bera með sér, starfar nýja félagið Þróttur af miklum
þrótti og ber því nafn með rentu. Það tók þátt í öllum þeim mótum,
sem það hafði heimild til að taka þátt í.
REYKJAVÍKURMÓTIÐ
Leiktímabilið hófst sunnudaginn 23. apríl með leik KR og Víkings í
fyrri umferð Reykjavíkurmótsins. Setti formaður KRR, Sveinn Zoéga,
Ulótið með stuttu ávarpi.
Eftir fyrri umferðina stóðu leikar þannig:
245