Árbók íþróttamanna - 01.12.1951, Page 289
Guðjónsson, (KR) SKRR, Stefán Kristjánsson, (Á) SKRR, Þórir Jónsson,
(KR) SKRR. — Skíðastökk: Ari Guðmundsson, (SfS) SRS.
Ari Guðmundsson dvaldist í Noregi við nám. Af svigmönnunum sóttu
þeir Ásgeir. Stefán og Þórir mótið frá Reykjavík, en þeir Gísli, Guðni
og Hermann komu þar við á heimleið frá Svíþjóð, þar sem þeir höfðu
dvalizt um veturinn við skíðanám. För svigmannanna til mótsins var
undirbúin af skíðafélögum þeirra og Skíðaráði Reykjavíkur með mjög
skömmum fyrirvara.
Árangur skíðamannanna í mótinu varð svo sem hér segir: Stefán
Kristjánsson tognaði í fæti á brunæfingu daginn áður en mótið skyldi
hefjast og gat því ekki keppt. Guðni Sigfússon og Hermann Guðjónsson
féllu í bruninu og hættu leik. Ásgeir Eyjólfsson féll í bruninu, sleit
skíðabönd og hætti þá leik. Gísli B. Kristjánsson og Þórir Jónsson komu
í mark í bruninu. Gísli varð þar nr. 42 í röðinni og Þórir nr. 29, en
fjöldi keppenda var um 55. Gísli meiddist þó á fæti í bruninu, svo að
hann gat eigi keppt í sviginu og var því úr leik. Þórir Jónsson var því
hinn eini úr hópnum, sem keppti til úrslita í tvíkeppninni. Hann varð
nr. 29 í svigkeppninni og nr. 27 í úrslitum tvíkeppninnar.
Árangur Ara Guðmundssonar í skíðastökkinu varð þessi: Stökklengd
í fyrra stökki 56 m. og stileinkunnir 12,5 — 13 — 14, en í síðara stökki
var stökklengd 60 m. og stíleinkunnir 16,5 — 17 — 17. Um röðina er
ekki kunnugt.
Skíðamönnunum, sem voru við nám í Svíþjóð, þeim Gisla B. Kristjáns-
svni, Guðna Sigfússyni og Hermanni Guðjónssyni var boðið að taka þátt
í tveim skíðamótum þar, í Are og Ostersund. I Are kepptu þeir í stór-
287