Viðar - 01.01.1937, Blaðsíða 74
72
SÖNGUR í HÉRAÐSSKÓLUNUM
[Viðar
ár, og deili söngtímum niður á hvern flokk eftir því, sem
mér þykir bezt henta.
Flest lög hefi ég æft í þeim kór, sem skipaður er öllum
söngnemum, í honum eru æfinlega um og yfir hundrað
söngnemar.
Vegna þessarar skiptingar, flokkunar við raddæfingar
o. þ. k., er erfitt að segja nákvæmlega um það, hversu
margir söngtímar vikulega koma á hvern nema. Munu
þeir tæpast færri en fjórir til fimm.
Ein aðalathugasemd manna út í frá við söng hér í skól-
anum er sú, að hver nemandi njóti söngkennslu tvo tíma
á dag. Þessi skýrsla, ef birt yrði, gæti e. t. v. leiðbeint
þeim, ef þeir óska að fara með það, sem sannara reynist.
Það verður ekki á neinu séð, að þeir, sem ekki taka
þátt í söngnámi, standi hinum betur að vígi um kunnáttu
í öðrum greinum þegar til prófs kemur.
Enda er þess að gæta, að flestir þessir tímar krefjast
lítils eða einskis undirbúnings.
Þótt þetta sé æðimikið ríflegri tími en varið hefir verið
áður til náms í sama skyni í skólum okkar, þá hefi ég
ekki orðið þess áskynja, að nemum fyndist þetta um of.
Eg hefi fengið mjög mikið af óskum, sem benda í algjör-
lega gagnstæða átt.
Slíkur námsáhugi er að vísu nokkuð misjafn eftir ár-
göngum og því, hversu sterkt söngurinn grípur nema.
Mjög hefir verið leitað eftir kennslu í hljóðfæraleik.
Ýmissa orsaka vegna hefi ég orðið að leiða hana algjör-
lega hjá mér.
Eg hefi gjört mér far um, og tel það mikilsvarðandi at-
riði, að haga þannig lagavali, að nemendur kynnist fjöl-
breytilegu og jafnframt vönduðu efni bæði í tónum og
ljóðum, og þarf námsefni þetta að vera í þeim anda, að
það grípi æskuna — hrífi hug hennar, svo að hún tileinki
sér það fúslega. En auk þess tel ég sjálfsagt að velja lög-