Viðar - 01.01.1937, Blaðsíða 149

ViðarJ REYKJANESSKÓLI 1934—1937 147
Æska þessa héraðs hefir og kunnað að meta þau tæki-
færi, er hér buðust, til að víkka sjóndeildarhring sinn og
þekkingarsvið, því að langflest af ungmennum innan
þessara sveitarfélaga, — frá fermingaraldri til tvítugs, —
hefir stundað nám hér við skólann undanfarna vetur.
Og það er vissa, að margt þessara unglinga hefði alger-
lega farið á mis við framhaldsnám að öðrum kosti.
Hinn stutti námstími og hagfelld greiðslukjör fæðis-
kostnaðar hafa stuðlað að því fyrst og fremst, að ungling-
unum almennt hefir verið kleift að sækja skólann, þótt
þeir hefðu engin tök haft á því að kosta sig um 6 mánaða
tíma — eða lengur — til skólavistar í fjarlægum héruðum.
Það liggur í augum uppi, að í sjálfu sér er alltof snemmt
að ætla sér að meta eða dæma um árangur þann, er náðst
hefir meðal nemenda Reykjanesskóla, þessi fáu ár, síðan
hann tók til starfa. — Enginn veit til hlítar, hvern árang-
ur vorsáningin kann að bera, fyrr en ávextirnir koma i
ljós. Svipað er því farið með námsþroska og mótunaráhrif
unglinganna. Ávextirnir og árangurinn af æskufræðslu
þeirra koma aðeins að sáralitlu leyti fram þegar í stað.
Þeirra verður að bíða þar til lífið leiðir í ljós, í fari hvers
einstaklings, mótun hans og mennt og kunnáttu hans og
leikni í fangbrögðum lífsins.
En vér, sem fylgzt höfum fet fyrir fet með starfsemi
og þróun Reykjanesskóla, væntum þess, að unglingarnir
flytji með sér þaðan það veganesti, sem ber þess nokkurn
vott, að þeir hafi notið áhrifa skólans og vegleiðslu.
En þótt þau áhrif, sem mestu máli skipta, tilheyri fram-
tíðinni, og þótt ekki verði um árangur dæmt til fulls, fyrr
en síðar meir, þá er rétt og skylt að geta þess, að nem-
endur Reykjanesskóla hafa yfirleitt reynzt sérlega ötulir
og kappsamir námsmenn, enda mun óhætt að telja, —
þegar tekið er tillit til námstíma, — að þeir hafi leyst af
hendi mjög mikið starf, á sviði bóklegs náms. Skólinn
hefir einnig notið ágætra kennslukrafta, haft mjög full-
10*