Viðar - 01.01.1937, Blaðsíða 145

Viöar] REYKJANESSKÓLI 1934—1937 143
eina degi tók umhverfi skólans svo miklum breytingum,
að alla undraði, en þó gæti ég trúað, að félagslegt við-
horf ýmissa þeirra, sem að því unnu, hafi ekki breytzt
minna. Að dagsverki loknu syntu menn í lauginni og
loks var stiginn dans fram eftir nóttu. Þessum líkir hafa
aðrir ,,Vordagar“ skólans verið. Verkefnin hafa verið
önnur, en sá áhugi og sú starfsgleði, sem einkenndi fyrsta
„Vordaginn“, hefur sett svip sinn á þá alla. Vordagarnir
eru stórt spor í þá átt að sameina það nytsama og það
skemmtilega, þannig, að það nytsama verði skemmtilegt
og það skemmtilega nytsamt.
Tvo fyrstu veturna, sem skólinn starfaði, var hér engin
bryggja. Urðum við því að afgreiða Djúpbátinn á smábát,
sem settur var í hvert sinn. Var þetta erfitt verk og oft
hrakningur, auk þess, sem það truflaði kennsluna. Var
oft rætt um, að betur væri komin bryggja í Reykjanesi,
sem Djúpbáturinn gæti lagst að. Við þessa erfiðleika
bættist, að vörin var ekki góð, þrátt fyrir mikla vinnu,
sem í hana hafði verið lögð. Neðst í henni var stór steinn,
sem bátar steyttu á, þegar lágsjávað var. Þurfti mjög að
leita lags, að þræða öðru hvoru megin steinsins. Eitt sinn
voru skólastjóri og nokkrir nemendur fluttir yfir fjörð.
Var þá stórstraumsfjara. Minntist hann á það við nem-
endur, að nú væri tækifæri, til þess að reyna að ná stóra
steininum úr vörinni. Var nú farið að grafa í kringum
steininn og tókst loks að losa hann. Þegar steinninn var
færður úr stað, kom í ljós að á honum voru býsna fall-
egir fletir, og höfðu nokkrir orð á því, að þessi gæti farið
vel í vegg og væri meira að segja ágætis hornsteinn. Kom
öllum saman um, að vel færi á því, að þessi „Þrándur í
Götu“ yrði hornsteinn að lendingarbót í Reykjanesi, því
treysta mætti því, að hann yrði fastur fyrir eins og áður,
ef hann fengi gott sæti. Var nú gengið frá honum norðan
megin vararinnar og síðan byggður vararveggur frá hon-
um í land. En nú vaknaði fyrst reglulegur áhugi fyrir
því að hraða bryggjubyggingunni. Næstu tvo daga var