Viðar - 01.01.1937, Blaðsíða 89
Viðar]
Á SPRENGISANDt
87
yngri árum sínum í Mývatnssveit og orti þá, ásamt Gam-
alíel Halldórssyni í Haganesi, brag þann, sem kallaður var
Griðkuríma. Var tilefnið hnippingar nokkrar, er urðu
milli tveggja griðkvenna út af flórmokstri. Ríman er dýrt
kveðin og þrungin af orðgnótt, en efnið rýrt að vonum.
Þótti þetta á sinni tíð hið mesta snilldarkvæði, og kunnu
menn það utan að. Er það þó 74 erindi. Var sagt að ríman
hefði verið þýdd á mörg tungumál, og trúðu því margir.
Eftir að ég man til, var Illugi við rímu þessa kenndur.
Niðjar hans eru víða um Þingeyjarsýslu, og eru sumir
þeirra hagorðir. Ekki veit ég, hvort hann hefir ort mikið
eða lítið í Litlutungu, enda mun það nú týnt með öllu.
Okkur ber hratt fram hjá Litlutungu og er ekki tóm
til að láta sig dreyma um þá, sem þar hafa unnið sitt
æfistarf að meira eða minna leyti. — Leiðin liggur nú
suður með gili því, sem Mjóadalsá fellur eftir, þar til
kemur að Fiskiá, sem fellur í Mjóadalsá. Þá er farið suð-
ur með henni eftir daldragi milli tveggja gróðurlausra
fjallsaxla. Þegar kemur syðst í daldrag þetta, opnast
breiður dalur, sem liggur alllangt inn eftir. Nyrst í hon-
um er íshólsvatn, sem Fiskiá fellur úr, stórt og djúpt
fjallavatn, líklega 5 km. á lengd. Við stígum af baki við
norðvesturhorn vatnsins, á dálítilli sendinni flesju með
lélegum gróðri. Þar heitir Vopnamýri. Enginn mundi nú
kalla slíkan blett mýri. Sandfokið hefir þar verið að
verki. 'Við höfum hér stutta dvöl og ríðum nú suður með
vatninu að vestan eftir hlíð, sem gengur alveg niður að
vatni. Þegar ég fór fyrst um íshólsbrekkur fyrir 34 árum,
var þar mikill roksandur og sást þar ekki stingandi strá.
Nú er sandurinn fokinn burtu og einstöku planta búin
að ná fótfestu. En langt verður þess að bíða, að hlíðin
verði eins og hún var áður. Um 1840 var þar samfelldur
skógur, sem lukti yfir höfuð þeirra, sem um veginn fóru.
— Við suðvesturhorn vatnsins stóð bærinn íshóll. Þar var
búið til 1897. Þótti þar þá ekki lengur vært vegna upp-
blásturs, Þar sér enn fyrir allri húsaskipun bæjarins og