Viðar - 01.01.1937, Blaðsíða 166
164
ÆSKA OG MENNING
[Viöar
maðurinn vanrækir starf sitt, þótt ekki sé nema eitt ár,
þá grær alls kyns villtur gróður í garðinum, og óðar en
varir hverfur skrúðgarðurinn, ef ræktuninni er ekki sí-
fellt haldið við.
Öll skólastarfsemi byggist á þessari staðreynd. Það
þarf að halda ræktuninni við og auka hana og bæta eftir
þörfum og staðháttum á hverjum tíma og eftir þeim
kröfum, sem heilbrigð skynsemi mótar.
Út úr skólunum þurfa að koma fróðir menn og mennt-
aðir, hæfir til hinna ýmsu starfa þjóðfélagsins. Þaðan
þurfa að koma atorkusamir menn og reglusamir, menn,
sem bera ekki minni virðingu fyrir framleiðslustörfun-
um til lands og sjávar, heldur en skrifstofustörfum eða
öðrum „fínni“ störfum. í skólunum á unga fólkið að læra
að temja sér fagrar og hollar lífsvenjur, bindindissemi,
hreinlæti og háttprýði. Þaðan þurfa um fram allt að koma
góðir drengir, góðir íslenzkir menn og konur, sem eru fær
um að mynda góð heimili og vinna síðan að umbótum
þess og þjóðfélagsins þannig, að nema stöðugt ný lönd,
fylgjast með kröfum tímans og leitast við að uppfylla
þær með skynsamlegri vinnu og skipulagi, án þess að
vilja grípa til örþrifaráða. í skólunum þarf unga fólkið að
læra að vinna, meta vinnuna og fegra hana. Þar á það að
kynnast starfsömu menningarlífi, og fá fræðslu á öllu
því, sem varðar hag þess, lífsbaráttu og menningu.
Bessastaðaskóli sendi frá sér marga afburðamenn af því
að hann var ekki eins einangraður frá lífinu eins og
latínuskólarnir áður.
Skólarnir í dag þurfa að kenna nemendum sínum að
vinna að óleystum verkefnum nútímans með jafn-logandi
áhuga, kjarki og ættjarðarást. Þetta eru hin sameiginlegu
áhugamál allra kennara, eða ættu að vera að minnsta
kosti, og þau hafa þokað kennurum skólanna þéttar sam-
an. Kennararnir hafa myndað með sér sín stéttafélög til
þess að vinna að áhugamálum sínum, ræða skólastarfsem-
ina og finna í sameiningu heppilegustu aðferðirnar. En