Viðar - 01.01.1937, Blaðsíða 125
Viðar]
REYKJANESSKÓLI 1934—1937
123
auðgar ímyndunarafl þeirra og eykur sjálfstraust þeirra.
Nemendur skólans bera með sér árangur þessa sjálfsnáms.
I annan stað er skólinn, eins og áður er sagt, héraðs-
skóli Norður-ísafjarðarsýslu, en með aðeins þriggja mán-
aða námstíma ár hvert, og starfar í tveim deildum.
Starfshættir eru að því leyti svipaðir barnaskólanum, að
lagt er allt kapp á að gera nemendur sem sjálfstæðasta
í námi, og námið sem hagnýtast. Takmark skólans er, að
veita ungmennum héraðsins gegnum nám og íþróttir,
þann þroska, andlegan og líkamlegan, er haldbeztur má
verða í skóla lífsins, en það eru skapandi hugsjónir, frum-
leiki í athöfnum, fjölhæfni i starfi, og líkamsmennt er
skapar þrótt og hreysti, er hefir yndi af allri áreynslu.
Það er fátítt, þegar um breytta hætti og ný mál er að
ræða, að slíkt mæti ekki mótspyrnu og fái misjafna dóma.
Að þessu leyti er Reykj anesskóli líklega einsdæmi.
Samþykktirnar í báðum sveitunum náðu strax einróma
samþykki íbúanna. Samvinnan um byggingu skólans og
rekstur hans, hefir ávallt verið án ágreinings og hin
prýðilegasta.
Hug fólksins til stofnunarinnar má bezt marka á þátt-
töku þess í vordeginum ár hvert, þar sem ungir sem
gamlir úr báðum sveitunum og víðar úr héraðinu safnast
saman í Reykjanesi til þess að vinna þegnskaparvinnu,
skólanum til hags og prýði.
En hin leiðandi hönd þessarar vinsælu menntastofnun-
ar er hinn vinsæli atorku- og frumleiksmaður, Aðalsteinn
Eiríksson skólastjóri.
Hann er hér að íklæða hugsjónir sínar veruleika, hann
vill tengja skólann og heimilin nánari böndum, hann vill,
að námið og lífið eigi samleið; hann vill að skólinn skapi
frjóan hug, frjótt nám og vinnugleði, og að námsáhugi
en ekki námstími skapi afköst.
Melgraseyri, 23. september 1937.