Viðar - 01.01.1937, Blaðsíða 97
Viðar]
Á SPRENGISANDI
95
röndinni. Kl. 1.30 komum við í Múlaver, eftir 9 tíma reið
úr Kiðagilshnúk yfir samfellda hagleysu.
Múlaver er allmikið haglendi og áðum við þar hálfa
aðra klukkustund. Þar sáum við fyrstu sunnlenzku kind-
urnar. Sláandi gras var í verinu og voru hestarnir fljótir
að fylla sig. Ef til vill var það hér, sem Fjalla-Eyvindur
hafð byggð sína, er Árnesingar eyddu fyrir honum haust-
ið 1762. Fundu þeir þar 73 sauðarföll, auk annara fanga.
Engan mann sáu þeir, en slóðir sýndu, að Eyvindur og fé-
lagar hans voru flúnir á jökulinn. Höfðu þeir haft 5 hesta,
svo nokkuð hafa þeir getað haft með sér. Hafa þeir séð
för leitarmanna löngu fyrr en leitarmenn urðu híbýlanna
varir, því hér er víðáttumikið flatlendi. (Sjá skýrslu
Brynjólfs sýslum. Sigurðssonar. Sagnaþ. G. K. bls. 94.)
Eftir hálfs annars tíma hvíld í Múlaveri, héldum við
áfram suðvestur með jöklinum um eyðisanda, unz við
komum í Nauthaga, eftir tveggja tíma ferð. — Nauthagi
er afar víðáttumikið mýrlendisflæmi, grösugt vel, sem
nær upp undir jökul og lengst suðaustur á sanda. Sáum
við þar svani marga, því á þessum slóðum er sumarbú-
staður þeirra. Um hagann fellur Miklakvísl, allmikil á og
slæm yfirferðar sökum sandbleytu. Og víða eru flóar
þessir allógreiðir yfirferðar sökum bleytu. Við riðum yfir
Miklukvísl og tjölduðum undir felli einu við vesturrönd
hagans kl. 5 síðdegis. Var þá komið hið blíðasta veður.
Um kvöldið gengum við Knútur upp á fellið og höfðum
þaðan hið bezta útsýni: Hofsjökull rétt við í norðri, Há-
göng í austri, Kerlingarfjöll eigi allfjarri í vestri og suð-
vestri. Eru það ein hin tilkomumestu fjöll til að sjá, með
ótal hvössum tindum. Óraveg í suðvestri sáum við Heklu.
Síðastliðna nótt hafði ég ekki sofnað, en nú var ég orðinn
hæfilega slæptur til að sofa vel, þótt ekki væri hvílt á
dúnsæng.
Að morgni þess 27. júlí lögðum við af stað úr Nauthaga
kl. hálf sex. Riðum við vestur sunnan við Hofsjökul og
komum fljótlega að Blautukvísl. Er það vestasta kvíslin