Viðar - 01.01.1937, Blaðsíða 208

206 ÚTDRÁTTUR ÚR SKÓLASKÝRSLUM M. M. [Viðar
Var þetta í fyrsta sinni, sem smíðar voru kenndar í skólan-
um. Auk töflutímanna vann smíðakennari stórkostlega mikið
fyrir skólann í viðgerðum og smíði nýrra muna, sem skólanum
bráð lá á. — Piltar smíðuðu samtals 168 muni.
Anna Stefánsdóttir frá Eyjardalsá.
Hún kenndi öllum stúlkum skólans sauma og aðra handavinnu.
Alls 12 st. á viku. Saumuð voru föt ýmiskonar — 144 stykki.
Útsaumað, heklað, prjónað 66 stykki. Samtals 210 st.
Áskell jónsson frá Mýri í Bárðardal.
Hann kenndi: Söng öllum skólanum, að undanteknum fáeinum
nemendum, sem ekki töldust sönghæfir. Alls 7 stundir.
Auk þess var hann ráðsmaður skólans.
Kennslustundir alls í báðum deildunt, vikulega, 96 stundir.
Leikfinti var kennd í þrem flokkunt: kvennaflokkur og sinn pilta-
flokkur úr hvorri deild. Söngkraftar voru betri í skólanum en
nokkru sinni áður. Voru æfðir þrír kórar, blandaður kór, karlakór
og kvennakór.
Félagsiíf var mjög með sama hætti og undanfarna vetur. Allir
daglegir starfshættir voru hinir sömu.
Sjúkrasamlag var stofnað í byrjun vetrar. Um jólaleytið var all
krankfellt í skólanum. Varð sjúkrakostnaður allur um 400 kr., en af
því urðu sjúklingar aðeins að greiða 100 kr..
Nemendur héldu fjölmenna samkomu 7. febr. Ágóðanum var varið
til styrktar sjúkrasamlaginu.
Matarfélag hafði allt heimilisfólk, nema skólastjóri og fjölskylda
hans. Fæðiskostnaður varð á dag kr. 1.10 fyrir konur og kr. 1,24
fyrir karla.
Byggingar og aðrar framkvœmdir.
Við skólann var byggt smíðahús úr timbri, kjallari steinsteyptur
norðan undir vesturálmu skólans og ofan á honum eitt nemendaher-
bergi úr timbri. Eftir skólaslit var Sigurður kennari Egilsson ráðinn
til þess að vinna að ýmsum endurbótum, sem tími hefir ekki unnizt
til að undanförnu.
Bókasafnið fékk mikla aukningu á þessu ári. Safn Högna Þor-
steinssonar var tekið til nota. Frú Þuríður Þorvaldsdóttir, móðir
Högna sáluga, gaf prófdómaralaun sín — 80 krónur — til þess að
kaupa bækur fyrir. Ýmsir bókaútgefendur gáfu Högnasafni mikið af
bókum, fyrir tilmæli skólastjóra, Menningarsjóður gaf allar þær út-
gáfubækur sínar, sem ekki voru uppseldar. Sigurður prófessor Nor-
dal gaf alla fornritaútgáfuna með fyrirheiti um, að fornritin skyldu
send Högnasafni framvegis. Þjóðvinafélagið gaf »Jón Sigurðsson«,