Tímarit Hins íslenzka bókmentafélags - 01.01.1896, Blaðsíða 31
51
í kaþólskum sið skipuðu biskupar presta eða
veittu þeim embættin, nema 4 hin stærstu, Odda,
Beiðabólstað, Hítardal og Grenjaðarstað. Þau veitti
erkibiskupinn i Niðarósi, en kirkjusiðaregla Kristjáns
III. skipaði svo fyrir, að nokkrir helztu bændurnir
i hverju prestakalli skyldu ásamt með prófastinum
kjósa prest, þá er prestakallið losnaði. En lítiðmun
þess hafa verið gætt fyrst á þessu tímabili. Var
það bæði aí því, að almenningur befur eigi hirt að
nota þennan rjett sinn, og þá eigi siður af hinu, að
svo mikil prestaekla var, að mjög torvelt var að fá
prestsembættin skipuð. Mun því mega svo að orði
kveða, að fram að 1563 haíi biskupar nálega einir
veitt prestaköllin, en höfuðsmaður samþykkt veiting-
una. En það ár býður konungur, að höfuðsmaður
skuli veita prestaköllin. Er að öllum llkindum svo
að skilja þetta konungsboð, að höfuðsmenn skyldu
gefa þeim presti veitingabrjef fyrir embættinu, er
kosinn hefði verið i söfnuðinum samkvæmt kirkju-
siðareglunni.
Fram að 1563 skipuöu því biskuparnir prests-
embættin, eins og áður er sagt ©g áttu þeir mjög
örðugt í þeim efnum, þangað til að menn tóku að
útskrifast úr latínuskólum þeim, sem Páll Hvitfeldur
setti að konungsboði við stólana. Voru þeir, er nokk-
uð áttu að sjer, ófúsir á að takast á hendur prests-
embætti í hinum nýja sið, því að eigi var það á þeim
tímum þakklátt verk, að kenna almenningi hjer á
landi hina nýju trú. Til hinna rýrari prestakalla
skipuðu biskuparnir þá, er til fengust, unga menn
og óreynda, opt eigi meira en 18 vetra að aldri. Á
stundum tóku þeir gamla bændur, sem gáfu ko»t á
sjer til þess, og vígðu þá. Þó varð sami prestur
fyrst framan af opt að gegna fleiru en einu presta-