Eimreiðin - 01.07.1939, Qupperneq 22

254
STÖKUR
eimreiðin
Mælska.
Öslar flaum í orða sá,
ólgar og kraumar sullið.
Rennur straumhörð eins og á
úr honum taumlaust bullið.
Til umhugsunar.
Verra er að græða en brjóta bein,
betra að hnýta en leysa,
hægra að lemstra en lækna mein,
léttara að fella en reisa.
Hverju er að treysta?
Fölnar gylling flestu á,
farna hylli víða að sjá,
leiðir kvillar þjaka og þjá,
þýtur illa í mörgum skjá.
Tíðast er, að trygðinni
treysta ber af varfærni.
Obbinn fer af ástinni,
ef ölið þver af könnunni.
Gáfnalýsing’.
Hált á svelli hugsunar,
hrím á felli orðgnóttar,
myrkt í helli málsnildar,
meyrt í velli skapgerðar.
Síld (brot).
Sildin bjargar sinni þjóð,
sildin margan fyllir.
Síldar-þvarg og sildarblóð
síldarvarga tryllir.
Sildar-landið sífelt má
síldar standa í önnum.
Sildin blandar svipinn á
sildar-andansmönnum.