Eimreiðin - 01.07.1939, Blaðsíða 84

316
LANDVÖRN
EIMREIÐIN
skeiði menn ættu að inna af hendi þegnskylduvinnuna og hve
lengi hún ætti að standa. Hermann heitinn Jónasson lagði til
að hún félli á aldursskeiðið frá 18—25 ára og stæði í 7 vikur
alls. Seinna færði hann þó fyrra aldurstakmarkið niður um
tvö ár. Heppilegasta aldursskeiðið til að inna landvörnina af
hendi tel ég frá 16 til 24 ára. Kemur þá vinnan niður á átta
ára tímabili, og er það svo rúmt, að hverjum æskumanni í land-
inu ætti að verða kleift að koma til starfsins þann tíma úr
þessu árabili, sem krafist yrði af honum í þágu landvarnar. Sá
tími mætti að mínum dómi ekki vera styttri en 20 vikur, og
ætti hann að skiftast á tvö sumur i röð: 10 vikur hvort sumar.
Ef til vill finst sumum tími þessi of langur, en til þess að land-
vörnin komi að tilætluðum notum bæði fyrir þjóðarheildina
og æskumanninn sjálfan, sem innir hana af hendi, má tíminn
ekki vera styttri. Eins og uppeldinu er enn háttað hjá okkur
veitir ekki af góðum tíma til að læra að beita réttum hand-
tökum og hreyfingum við líkamlega vinnu, læra reglusemi,
háttprýði, hreinlæti, stundvísi, hlýðni og stjórnsemi. Og ó-
þrjótandi verkefni eru fyrir hendi í landinu, sem bíða eftir
því, að herflokkar hraustra ungra manna og kvenna komi til
að leysa þau af hendi. Og kemur þá að þeirri spurningu hvort
konur ættu að inna landvörn af hendi og hvernig þeirri land-
vörn ætti að vera háttað.
Landvörn kvenna ætti einkum að fara fram á alþýðuskól-
unum í sveitum landsins, að sumrinu meðan hin eiginlega
kensla þar liggur niðri. Landvörn kvenna færi fram undir
stjórn þar til hæfra húsmæðra og yrði fólgin í allskonar störf-
um, sem konum ber að kunna: húsmóðurstörfum, hjúkrun,
hannyrðum og öðrum slikum störfum. í stað þess að land-
vörn æskumannanna færi fram uppi um heiðar og öræfi lands-
ins eða úti við brimóttar strendur þess, í mörgum flokkum,
sem lægju í tjöldum \ið einfaldan en kjarngóðan kost, undir
stjórn æfðra verkstjóra, ætti landvörn ungra kvenna þjóðar-
innar að fara fram á fyrirmyndarheimilum undir stjórn æfðra
húsmæðra og kenslukvenna. Verkefnin eru hér ótal mörg, og
ekki þarfnast hinar ungu húsmæður íslands framtíðarinnar
síður en æskumennirnir undirbúnings undir störf lífsins og
þeirra dygða, sem landvörnin á einkum að þroska og efla.