Stígandi - 01.04.1947, Page 53

SÚLD
Eftir KRISTJÁN EINARSSON frá Djúpalæk
Syrtir í lofti, súldin fjöllin hylur,
seytlar um strætið aursins blakki flaumur,
úfin á svip og reiðikvik er Rán.
Drottinn, ég undrast, að þú skyldir mála
yjir þá fegurð, sem þú skópst í morgun,
svo dökkum litufn, lífs og gleði án.
Þú, sem með aðeins einum pensildrœtti
öllu fcerð breytt í litaskrúð og fegilrð,
sýn oss á ný i sólskinsveröld inn.
Drag bláa slikju aftur yfir tinda,
engjar og tún og lágan viðarásinn,
gef dökkum sævi gullinn bjarma sinn.
Vcr lifum stutt og kannske aldrei aftur
á þinni fögru jörð, ó, drottinn minn.
STÍGANDI 1 3 ]