Gerðir kirkjuþings - 1994, Qupperneq 41

FJÖLSKYLDUÞJÓNUSTA KIRKJUNNAR
Laugavegi 13, 4. hæð, 101 Reykjavík s. 62 36 00
hafa verið haldnir reglulega á Biskupsstofu og í húsnæði FÞK undir stjórn dr. Björns
Björnssonar. Starfsmaður nefndarinnar er sr. María Ágústsdóttir. Töluverður tími
hefur farið í að sinna þessu áhugaverða verkefni og viil FÞK leggja sitt af mörkum til
að vel takist til. Stefnt er að því að skila áfangaskýrslu til næsta kirkjuþings. Hér er
aðeins um upphaf stefnumótunar að ræða. Framundan blasir við heillandi vinna er
vonandi skilar áhugaverðu efni til fjölskyldna, safnaða og samfélags.
Enn hefur skort á að hrinda í framkvæmd góðum áformum um markvissa hjóna- og
fjölskyldufræðslu. Von okkar er sú að FÞK í samvinnu við aðra eins og
fræðsludeild, prófastsdæmin og kirkjuiegar miðstöðvar komið slíku á hið fyrsta. Við
höfum fram að þessu lítið getað sinnt þessu verkefni en þó alltaf öðru hverju. Fyrir
allmörgum árum skrifaði ég grein um þetta efni í Kirkjuritið (1985) og eins lagði ég
fram um svipað leyti hugmyndir til þáverandi biskups. Hugmynd okkar er sú að FÞK
annist fræðsluþáttinn en framkvæmdin gæti verið í höndum heimamanna. Það skal
áréttað að starfsfólk FÞK er reiðubúið að koma vítt og breytt um landið með
hjónanámskeið eða fræðsluerindi um hjónabandið og fjölskyldulífið ef þess er
óskað.
Húsnæðismál.
Eins og kunnugt er flytur biskupsstofa í nýtt húsnæði að Laugavegi 31. í fyrstu virtist
blasa við að FÞK flyttist þangað líka, en þegar á reyndi og húsnæðið nýja var
kannað betur komu í Ijós ýmsir annmarkar sem gera það verkum að betra er talið
að við verðum kyrr. Það er reynsla annarra norrænna kirkna að fjölskylduráðgjöf sé
best borgið sem mest sér og þar sem fáir geta rakið erindi fólks til staðarins. Þótt
núverandi húsnæði hér sé ekki gallalaust þá er ótvíræður kostur að vera mitt á
meðal margra ólíkra fyrirtækja og stofnana og fæstir vita hvert fólk er að fara þegar
það gengur inn um útidyrnar hér. Þetta er viðkvæmt mál fyrir suma. Þá ber að hafa í
huga að fjölskyldur presta og starfsfólks safnaða leita hingað. Það væri ekki léttara
að fara slíkra erinda á biskupsstofu innan um mörg starfssystkini og yfirmenn. Þá
voru okkur líka úthlutað um sjötíu og fimm fermetrum en við erum í tæpum eitt
hundrað og veitir ekki af. Ef eitthvað er þá þurfum við að auka við okkur í húsnæði
en ekki draga saman seglin í þeim efnum. Kirkjuráð virti sjónarmið okkar en um leið
var viss eftirsjá af beggja hálfu að geta ekki flutt undir sama þak. Samstarf og tengsl
við starfsfólk biskupsstofu munu engu að síður aukast þegar við færumst nær hvert
öðru og verðum grannar við Laugaveginn.
Fjárhagsstaðan. Starfslið og aukið starf.
Það er okkur til uppörvunar að margt fagfólk með mikla reynslu í fjölskylduvinnu
hringir til okkar til að falast eftir vinnu. Ef viðtölum fjölgar til muna og starfið vex í
allar áttir blasir við að auka verður við starfsliðið. Eins og víðar annars staðar
strandar á fjármunum. Við gætum auðveldlega bætt við okkur einum til tveimur
starfsmönnum. Næg verkefni blasa nú þegar við í viðtölum og handleiðslumál er
ákaflega knýjandi og krefjandi. Og gagnlegt væri að geta sinnt rannsóknum þótt
ekki væri nema til að meta og bæta okkar eigið starf.
20.10.1994
36