Gerðir kirkjuþings - 1994, Page 54
5. Framtíðin
Starfsemi Skálholtsskóla er að ákveðnum hluta komin á fastan grunn eins og
sést á dagskrá fyrir árið 1995 sem fylgir þessari skýrslu. Svigrúm til breytinga og
til nýmæla er því ekki mikið og breytist ekki fyrr en með auknu rými til gistingar
og kennslu. Nokkurt misvægi er í því hvemig starfsemin greinist á sviðin þijú, en
það er eðlilegt. Þegar litið er til greinargerðar með lögunum um skólann sést að
gert er ráð fyrir því þar, að lang mestur hluti starfsins heyri undir fræðslusvið.
Skipting starfseminnar eftir sviðum sést á meðfylgjandi yfirliti. Á þeirri skýrslu sést
greinilega að auka þarf verulega starfsemi á guðfræðisviði til þess að það haldi í
við hin sviðin. Möguleiki til þess felst einkum í fleiri málþingum og endurmenntun-
amámskeiðum fyrir guðfræðinga, presta og aðra áhugasama um guðfræðileg efni, og
í samnorrænum eða alþjóðlegum ráðstefnum, en vonandi fjölgar einnig beinum
samstarfsverkefnum milli skólans og Guðfræðideildar Háskóla íslands.
Vilji er fyrir verulega auknu samstarfi skólans og Háskólans yfirleitt, og er einmitt
í því skyni einn fulltrúi frá Háskóla íslands í skólaráði.
Þá er einnig brýnt að auka þjónustu skólans við næsta nágrenni hans og er von
til þess að svo verði strax í byijun næsta árs.
í viðhalds- og endumýjunarmálum auk fyrmefndra verkefna utanhúss, er þetta
brýnast:
a) Skipta þarf um gólfefni á gangi gistirýmis og í setustofu. Þar er nú gamalt og
slitið teppi. Til samanburðar um kostnað myndi samskonar parkett og á kennsluálmu
kosta um kr. 500.000,- komið á umræddan flöt allan. Sjálfsagt er að setja parkett á
setustofu, en athuga þarf hvaða gólfefni hentar best á gang í svefnálmu.
b) Endumýja þarf borð og stóla í kennslurými. Skólinn á samtals 32 stóla auk
klappstóla, þannig að oft þarf að fá lánaða stóla í Félagsheimilinu Aratungu, eða
annarsstaðar og kosta til flutninga á þeim. Borðin em lág einsmanns borð frá
Lýðháskólanum og er mjög af þeim dregið.
c) Bæta þarf við hillum í bókasafn og setja upp hillur fyrir bækur og tímarit á
skrifstofugangi.
d) í eldhús þarf að kaupa nýja pönnu auk ýmissa smærri hluta. Verð á pönnu er
u.þ.b. kr. 170.000,-. í þvottahúsi þarf að endumýja þvottavél og þurrkara.
e) Verið er að vinna að undirbúningi þess að gera skólann aðgengilegan fyrir
hjólastóla. Það verk er í höndum arkitekta. Eins og fram kemur hér að ofan er þess
að vænta að skólinn fái verulegt framlag til þeirra mála úr Framkvæmdasjóði
fatlaðra, en þessi aðgerð verður kostnaðarsöm.
49