Gerðir kirkjuþings - 1994, Side 75

2
samræður og trúboð væru ólík stig þessara samskipta. Þörf væri
á vitsmunalegri samræðu t.a.m. um hvað væri líkt og hvað væri
ólíkt með mismunandi trúarbrögðum. Slíkt væri heillavænlegra
heldur en að safna gagnrýnislaust trúarhugmyndum úr ýmsum áttum
líkt og gerðist með suma trúflokka innan Nýaldarhreyfingarinnar.
Dr. Theodor Ahrens prófessor frá Hamborg ræddi nokkuð um
Nýaldarhreyfinguna og það sem hann nefndi á þýsku
Erlebnisaesellschaft. "upplifunarþjóðfélagið". Vestrænir menn
sækjast eftir upplifun, reynslu og þeir velja og hafna á markaði
ólíkra trúarhugmynda með það að leiðarljósa að "upplifa" eitthvað
(þetta skýrir að vissu leyti vinsældir búddískra trúarhugmynda
á Vesturlöndum nú um stundir).
Dr.Anton Wessels prófessor frá Hollandi ræddi um að Islam
væri evrópskur átrúnaður í þeim skilningi að hann hefur fundist
í vissum hlutum álfunnar allt frá 711. Dr.Kaijsa Ahlstrand frá
Uppsölum ræddi um fjölhyggjuna í Evrópu og þá sérstaklega það
fyrirbæri sem nefnt hefur verið bókstafstrú (fundamentalismi).
í því fjölskrúðuga landslagi trúarhugmynda sem nú finnast í
Evrópu er sú stefna varasöm vegna skorts á umburðarlyndi sem hún
felur í sér.
Þess má geta að ég notaði tækifærið þegar ráðstefnunni var
lokið og skrapp yfir til Tallin í Eistlandi. Þar hitti ég að máli
fulltrúa frá lútersku kirkjunni sem ræddi um möguleikann á því
að einstakir söfnuðir þar í landi og hér heima tækju upp n.k.
vinatengsl, svipað og gerist víða með bæjarfélög. Er þeirri
hugmynd hér með komið á framfæri.
Sú umræða sem fór fram á þessari ráðstefnu var mjög gagnleg
ekki síst fyrir íslending sem þekkir aðeins úr fjarlægð þau
vandamál sem upp geta komið í samskipum fólks af ólíkum
trúarbrögðum. Sá grunur læddist að mér að ýmsum þeim málum sem
þarna voru rædd myndi fyrr en seinna skola upp á íslenskar
fjörur, ekki síst ef það verður að veruleika að við íslendingar
tökum við ákveðnum kvóta af flóttamönnum árlega. Raunar má benda
á að mál Soffíu Hansen hefur að því er virðist, orsakað andstöðu
og jafnvel fordóma gagnvart múslimum hér á landi. Þess vegna vil
ég leyfa mér að koma eftirfarandi hugmyndum á framfæri:
1. Úttekt á stöðu múslima hér á landi (fjölda, uppruna,
samskiptum við íslendinga, vandamál varðandi hjúskap, uppeldi
barna, o.s.fr.). Hugsanlega getur þjóðkirkjan stutt þetta fólk
með því að vera opin vettvangur fyrir vandamál þess.
2_s_ Sambærileaa úttekt á stöðu fólks frá Austur-Asíu. ekki síst
thailenskra kvenna og Vietnama (kaþólskar konur frá Filipseyjum
virðast njóta nokkurs stuðnings Rómversk-kaþólsku kirkjunnar).
Samræður við fulltrúa Nýaldarhreyfinaarinnar (og jafnvel
bókstafstrúarhópa) til útlistunar á líkum og ólíkum
trúarhugmyndum, og e.t.v. með það í huga að semja e.k.
siðareglur, sem tækju m.a. til skoðanafrelsis, lækningaaðferða
og fjármála.
70