Gerðir kirkjuþings - 1994, Page 232

1994
25. KIRKJUÞING
13, mál
Hann losnar við að þurfa að leita um smáviðvik til prestssetrasjóðs, með
þeim töfum og jafnvel kostnaði sem það getur haft í för með sér.
Hér er um minniháttar hagsmuni að ræða í fjárhagslegu tilliti. Telja
verður að stjóm prestssetrasjóðs verði miklu þunglamalegri og seinvirkari
svo og kostnaðarsamari, ef sjóðurinn þarf að ákveða um og greiða allar
smávægilegar lagfæringar og úrbætur. Naumast verður séð að sjóðurinn
geti náð fram mikilli hagkvæmni með því að sinna þessu sjálfur, t. d. með
magninnkaupum eða útboðum og því ekki rök til að sinna þessu þar. Til
þess em verkin almennt of dreifð og fjárhæðir sem um er að tefla of lágar.
Þetta fyrirkomulag er til samræmis við ábúðarlög og húsaleigulög,
sem taka til réttarsambands prestssetrasjóðs og presta á prestssetmm eins
og við á, eins og fram hefur komið.
Þetta er miklu einfaldari regla í ffamkvæmd, ekki hvað síst þegar um
eigin eignir prests á prestssetursjörð er að ræða, sem hann ábyrgist einnig
allt viðhald á að öðm leyti.
Þetta felur í sér hvatningu til prests um að ganga vel um prestssetrið.
Þá má segja að þetta feli vissa valddreifingu í sér, og veitir þetta
presti svigrúm til að leysa mál eftir aðstæðum og staðháttum. Hugsanlega
getur prestur notið liðsinnis sóknar við þessar framkvæmdir.
Tekið er tillit til þessarar skyldu við ákvörðun leigu, eins og nánar
kemur ffarn í 5. gr. þessara reglna. Hér er einungis um smávægilegar
framkvæmdir að ræða en ekki beint viðhald eða endurbætur á prestssetri.
Skylda presta samkvæmt þessu takmarkast við eðlilegar og sanngjamar
ffamkvæmdir, sem ætlast má til að prestur leggi ffam, í samræmi við það
sem hann tók við og sem ætlast má til að sé gert yfirhöfuð. Með
smávægilegum lagfæringum og úrbótum í þessu sambandi er átt við aðgerð
sem miðar að því að halda hlut í lagi eftir því sem hann slitnar og gengur úr
sér vegna eðlilegrar notkunar. Dæmi um smávægilegar lagfæringar af þessu
tagi væri t.d. að skipta um þéttingu á krana eða liðka til opnanleg
gluggafog, laga gangstéttarhellur o. fl. Hugsanlegt er að stjóm
prestssetrasjóðs muni þegar ffam í sækir, gera lista yfir ffamkvæmdir sem
teljast falla undir þetta ákvæði. Ef garður tilheyrir prestssetri, sem oftast er
í þéttbýli a.m.k. og oft á prestssetursjörðum, ber presti að sinna eðlilegri
umhirðu garðsins, t. d. með þvi að slá hann og sjá til þess að hann líti vel út
að öðm leyti og sé prestssetrinu til sóma. Presti verður þó ekki gert að
kosta verulegar umbætur á garði.
227