Skírnir - 01.01.1950, Side 15

Skirnir
Sigfús Blöndal
11
Sigfús Blöndal tób alla ævi drjúgan þátt í félagslífi Hafn-
ar-fslendinga. Hann átti lengi sæti í stjórn Hafnardeildar
Bókmenntafélagsins, var einn af stofnendum Hins íslenzka
fræðafélags (1912) og lengst af í stjórn þess; varaforseti fé-
lagsins var hann frá 1925 til dauðadags. Hann var einn af
stofnendum Félags íslenzkra stúdenta í Kaupmannahöfn
(1893), og tók ávallt síðan mikinn þátt í störfum þess, flutti
þar sennilega fleiri erindi en nokkur annar og var þar jafnan
aufúsugestur. Hann gekkst fyrir stofnun félags eldri íslenzkra
háskólaborgara í Kaupmannahöfn, sem kallað var Kólfur og
hafði þann lofsverða tilgang einan að koma saman einu sinni
á mánuði eða svo og spjalla saman yfir hófsömum veitingum.
Sigfús var þar forkólfur frá upphafi og hafði lag á að gera
þessar samkomur hinar skemmtilegustu.
Norræn samvinna og norræn menningartengsl voru jafnan
mikið áhugamál Sigfúsar Blöndals. Hann átti marga vini
meðal allra Norðurlandaþjóða og tók mikinn þátt í ýmsum
norrænum menningarsamtökum. Honum var kappsmál að
íslendingar losnuðu ekki úr menningartengslum við frænd-
þjóðir sínar, og engu síður að auka þekkingu annarra
Norðurlandabúa á Islandi og íslenzkum efnum. Margt rit-
gerða hans er sprottið af þessari viðleitni hans og áhuga.
Árin 1915—22 var hann í miðstjóm Norræna stúdentasam-
bandsins og var fulltrúi Islands á norrænu stúdentamótunum
á Eiðsvelli 1915 og í Rödkilde 1916. Á fyrri fundinum flutti
hann erindi um Island og Norðurlönd þar sem hann lýsti
skoðunum sínum á þessum málum (pr. m. a. í Skírni 1917).
Af sömu rótum var það sprottið að Sigfús tók sæti í rit-
nefnd tímaritsins Det nye Nord meðan það kom út (1919
—24), svo og í ritnefnd þýzka tímaritsins Nordische Rund-
schau 1935—38. Hann var og varaformaður í stjóm Dansb-
íslenzka félagsins um tiu ára skeið og skrifaði margar rit-
gerðir í árbók þess.
Sigfús Blöndal var alla tíð einlægur fylgismaður þess að
fslendingar hlytu fullt jafnrétti á við frændþjóðir sínar, en
hann var enginn bardagamaður og stjórnmál lét hann jafn-
an afskiptalaus. Menningartengsl íslendinga við hinar Norð-