Skírnir - 01.01.1950, Side 225

Skímir
Dagbókarbrot úr Islandsferð 1772
215
Á leiðinni mættum við sýslumanninum,3 en það eru emb-
ættismenn sem ráða hver fyrir sínu fylki eða héraði, og
valdsvið þeirra er svipað en frekar víðtækara en ensks frið-
dómara. Hann heilsaði okkur og sagði að sér þætti hjartan-
lega vænt um að verða þess vísari að við værum friðsamir
menn.
Að lokum komum við til stiftamtmannsins, sem tók á móti
okkur með mestu kurteisi. Hjá honum var amtmaðurinn4
eða vara-landstjórinn, og hann kepptist við stiftamtmanninn
um að sýna okkur öll merki virðingar og greiðasemi. Þeir
sögðu okkur að ekkert hús væri til sem nokkur tiltök væru
fyrir okkur að búa í nema húsið sem dönsku kaupmennirnir
dveldust í meðan þeir væru hér. Það var læst, en hægt væri
að opna það með atbeina sýslumannsins, en um hann voru
þeir ekki í neinum vafa, svo að við gætum setzt þar að á
mánudags morgun.
En af því að fólk hér heldur mjög fast við ströngustu
kirkjureglur ráðlagði hann okkur að hafast ekkert að á með-
an í þá átt að koma okkur fyrir á morgun, sem var sunnu-
dagur, heldur bíða með þolinmæði mánudags, en þá yrðu
dyrnar á húsi kaupmannanna opnaðar fyrir okkur.
Allt var nú komið í kring á allra vinsamlegasta hátt, svo
að við hættum á að spyrja um skoðanir fólksins á okkur.
Þessu svöruðu konurnar hispurslaust að þær hefðu verið
mjög hræddar. Fyrst héldu þær að við kæmum í fjandsam-
legum tilgangi, þar sem þeim var vel kunnugt um deilur
þær sem nú stóðu yfir milli Danmerkur og Englands;5 þær
héldu að við værum undanfari ensks flota sem sendur væri
til þess að leggja eyjuna undir sig, og að skip okkar var svo
vel mannað hafði mjög staðfest þessa skoðun. Sumir sögðust
meira að segja halda að við værum komnir til þess að leita
að einhverju fólki sem flúið hefði frá Danmörku á þessum
óróatímmn og ætti að hafa falið sig á íslandi.
Þegar þessum áhyggjum var rutt úr vegi fórum við að
spyrja um ástand eyjarinnar. Okkur þótti leitt að frétta að
engin eldfjöll væru að gjósa eins og stæði, en að sama skapi
þótti okkur vænt um þau tíðindi að við gætum rannsakað