Tímarit um menntarannsóknir - 01.06.2012, Side 132

132
Hagnýtt gildi: Greinin er innlegg í umræðu um þann undirbúning sem kennaranemar fá eða þurfa til að
styrkja hæfni sína til kennslu í skóla án aðgreiningar þar sem komið er til móts við alla nemendur. Hún varpar
ljósi á þá kosti sem kennaranemar við MVS HÍ hafa átt undanfarin ár á að efla hæfni sína til að mæta þörfum
fjölbreyttra nemendahópa. Greinina má því hafa til hliðsjónar við þróun kennaranámsins.
Skóli án aðgreiningar og
kennaramenntun
Hafdís Guðjónsdóttir og Jóhanna Karlsdóttir
Háskóla Íslands, Menntavísindasviði
Tilgangur rannsóknarinnar var að skoða skóla án aðgreiningar og kennaramenntun.
Markmiðið var að fá innsýn í það hvernig kennaranemar gátu eflt hæfni sína til að
mæta þörfum fjölbreyttra nemendahópa með þriggja ára kennaranámi sem var í boði á
Menntavísindasviði Háskóla Íslands (MVS HÍ) árin 2009–2012. Í greininni er greint frá
þeim möguleikum sem kennaranemar við MVS HÍ höfðu, þegar rannsóknin var gerð,
til að styrkja hæfni sína í atriðum sem snertu skóla án aðgreiningar. Rannsóknin var eig-
indleg og gagna aflað með skjalagreiningu og rafrænni spurningakönnun. Kennsluskrá
Menntavísindasviðs HÍ skólaárin 2009–2012 var rannsökuð og farið yfir allar námskeiðs-
lýsingar kennaradeildar og meistaranáms í uppeldis- og menntunarfræði. Rafræn spurn-
ingakönnun var send til allra kennara á póstlistanum MVS-starf við Menntavísindasvið
Háskóla Íslands og þeir beðnir að greina frá því hvort og þá hvernig fjallað væri um eða
tekið tillit til hugmynda um skóla án aðgreiningar í námskeiðum sem þeir höfðu umsjón
með.
Niðurstöður benda til þess að málefnið hafi verið kynnt í kjarnanámskeiðum en í
ákveðnum valnámskeiðum hafi verið möguleiki á dýpkun. Mörg námskeið miðuðu að
því að búa kennaranema undir að kenna fjölbreyttum nemendahópum þótt orðalagið
„skóli eða nám án aðgreiningar“ væri ekki notað. Erfitt er að sjá að heildarmynd hafi
verið á þeim undirbúningi sem kennaranemar MVS HÍ fengu fyrir skóla án aðgreiningar.
Ritrýnd grein
Tímarit um menntarannsóknir /
Journal of Educational Research (Iceland) 9, 2011, 132–152